MISE 3:6 - Bibəl ta Sar̄

⁶ I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

Bible sar

⁶ I tām̄ najə̄ ń noō tə́ n tām̄ yāsí sḭḭ̄ *ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

MISE 3:6 Referans Kwoze

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

IJAI 59:10

Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

JEREMI 15:9

Nge ń ojə ngán gə̄ i sīrí ní tɔ́gən teē kɔ̄ɔ́. Ni-taā koō yon. Mbang udə kɔ̄ɔ́ dɔn tə́ dan ń loo i dan kadə ndaá ɓáý ní. Rɔ̄n sɔlən ngá̰ý adə̄ ger̄ yá̰á̰ kə́ yā rāā alé. Ngé gə̄ ń na̰yn̄ ní, m-ā m-ə́yadə́ kadə̄ oyn̄ yo kaskar kem jī madə̄ ba̰ā̰də́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

AMOS 8:11

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ a reē noó kadə̄ m-ā m̄-rāā kadə̄ ɓō əsō kem ɓēé. Ɓō a rāā de gə̄, ba i ɓō yá̰a̰ kəsa alé. kəndā a rāā de gə̄, banī i kəndā man̄ alé. Ɓō koō najə̄ yāḿ ō, kəndā najə̄ yāḿ ō a rāādə́.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.