MISE 3:3 - Bibəl ta Sar̄

³ A̰á̰ā̰, de gə̄ ngeé ń noō əsan̄ gír deē yāḿ gə̄. Nin̄ ɔrə̄n̄ ndāŕdə́ ō, tétə̄n̄ kə̄ngādə́ gə̄ ō. Nin̄-gór̄yōn̄də́ dugəju dugəju tītə̄ dā̰ kə́ gór̄yō kə́ to kem jóó beē.

Bible sar

³ A̰á̰ā̰, de gə̄ ngeé ń noō əsan̄ gír deē yāḿ gə̄. Nin̄ ɔrə̄n̄ ndāŕdə́ ō, tétə̄n̄ kə̄ngādə́ gə̄ ō. Nin̄-gór̄yōn̄də́ dugəju dugəju tītə̄ dā̰ kə́ gór̄yō kə́ to kem jóó beē.

MISE 3:3 Referans Kwoze

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

EJEKIEL 11:3

Nin̄ ədan̄ na: J-a jə-rāāī kújə gə̄ loo ń toō tə́ laā i ngɔr ń toō tə́ aĺ ɓáý. Jerusalem rāā rɔ̄n i jóo ndīr̄ yá̰á̰ tə́, ba jḭḭ̄ i dā̰ kə́ kemeé.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

PĀ GƏ̄ 27:2

Ré ngé ndāńg gə̄ ənīmə̄n̄ rɔ̄ɔ̄ yā rə́yām̄ naā tə́ anī, i nin̄ kɔ́ gə̄ madə̄ kɔ̄lə̄ḿ gə̄ ō, madə̄ ba̰ā̰ḿ gə̄ ō n njadə́ a tə́gā naā ō, a téē tə́sōn̄ ō ní.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

EJEKIEL 24:4

Ī-tə́jā dā̰ ī-ɓōkə́ kemeé, dā̰ kə́ majə majə gə̄ malang, ɓúrən ō, kɔ̄bən ō. Ī-ɓōkə́ kə̄ngān kə́ majə majə gə̄ dɔ tə́ ī-tɔ̄ləń ta ādə̄ rosə.

MISE 2:8

Banī Kɔ́ɔ̄ɓē ədasí sḭḭ̄ na: Háĺ ń sḭḭ̄ ā ī-rāāī kə́ gír deē yāḿ gēé ní, i tītə̄ yā madə̄ ba̰ā̰ gə̄. Ngé gə̄ ń télən̄ ta rɔ̄ɔ̄ tə́ ō, njə̄rān̄ loo yādə́ kanjə̄ sōl̄ yá̰á̰ kógə̄ḿ ō ní, sḭḭ̄ ī-táāī kūbə̄ yādə́ gə̄ kə́ dɔ madə̄ gə̄ tə́.

Gōsə̄ najə̄ gə̄ 30:14

De kə́rēý gə̄ ndin̄ noó, ngān̄gdə́ i kaskar ō, kə̄ngā mbɔ́ŕdə́ i kəyā ō. Nin̄ əsan̄ ngé rɔ̄ tō ndoō kə́ kem ɓēé gə̄ ō, ngé ndoō gə̄ kə́ dan de gə̄ tə́ ō.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

AMOS 8:4

Sḭḭ̄ ngé njə̄rā dɔ nge ndoō gə̄ tə́, sḭḭ̄ ń ī-gḛyiī rāā kadə̄ de kə́ najə̄də́ gətóo gə̄ gətóon̄ kem ɓēé ní, ōōī majə!