MISE 3:2 - Bibəl ta Sar̄

² Banī yá̰á̰ kə́ majə nel̄sí sḭḭ̄ aĺ ngá̰ý ō, yá̰á̰ kə́ majaĺ nel̄sí ō. Sḭḭ̄ ɔ̄rī ndāŕ madə̄sí gə̄ ō, ī-ngḭ̄ḭ̄ dā̰də́ gidə kə̄ngādə́ gə̄ tə́ kɔ̄ɔ́ ō.

Bible sar

² Banī yá̰á̰ kə́ majə nel̄sí sḭḭ̄ aĺ ngá̰ý ō, yá̰á̰ kə́ majaĺ nel̄sí ō. Sḭḭ̄ ɔ̄rī ndāŕ madə̄sí gə̄ ō, ī-ngḭ̄ḭ̄ dā̰də́ gidə kə̄ngādə́ gə̄ tə́ kɔ̄ɔ́ ō.

MISE 3:2 Referans Kwoze

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

Gōsə̄ najə̄ gə̄ 28:4

Ngé mbātə́ ndū najə̄ gə̄ ɓōkə́n̄ nge kem ndul tɔ̄ȳ, banī ngé ngɔ̄m̄ ndū najə̄ gə̄ rɔ̄ɔ̄nən̄.

PĀ GƏ̄ 53:4

Nin̄ malang ndúmə̄n̄ kɔ̄ɔ́, nin̄ malang nujən̄ kɔ̄ɔ́. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo, kal kógə̄ḿ lélék gə̄gē gətóo.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

2 TIMOTE 3:3

a usədə́ yá̰a̰ aĺ ō, a rāān̄ yá̰a̰ i kə̄ nodə́ tə́ ō, a tāmən kə de gēé ō, a rāān̄ yá̰á̰ ń ndū najə̄ əda ní aĺ ō, kumdə́ a o̰o̰də́ aĺ ō, a gḛyn̄ yá̰á̰ kə́ majə aĺ ō,

Makətūbə̄ ń Pol ndang adə̄ Rom gə̄ ní 1:32

De gə̄ ń rāān̄ yá̰á̰ kə́ tītə̄ ń noō gə̄ ní gerə̄n̄ majə kadə̄ sarya ń Nə́ɓā gān̄g dɔdə́ tə́ ní i kadə̄ a oyn̄. Nge ń noō nin̄-gerə̄n̄ majə tā, ba rāān̄ i mbéé ngóy alé, ba ré de kə́ rang gə̄ rāān̄ anī, nin̄-ndigən̄də́ loon tə́ ō.

JA̰A̰ 18:40

Loo ń noō tə́ nin̄-unən̄ ndūdə́ kə̄ dɔɔ́ ngá̰ý ədan̄ na: Ni alé, ba i Barabas tá! Tá Barabas ní kété i de kə́ nge gān̄g róbə.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

EJEKIEL 34:3

Sḭḭ̄ ā̰yī mba batə̄ gə̄ ō, ə́jaī bḭḭ̄də́ ī-rāāiń kūbə̄ ə́laī rɔ̄sí tə́ ō, sḭḭ̄ ī-tɔ̄lī yá̰a̰ kul̄ kə́ bo tɔȳ madə̄ gə̄ kɔ̄ɔ́ ō. Banī sḭḭ̄ á̰a̰ī gō batə̄ gə̄ alé.

PĀ GƏ̄ 15:4

Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

EJEKIEL 11:7

I tām̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Ɓē kə́ Jerusalem to i tītə̄ jóo rɔ̄kum, banī dā̰ i de gə̄ ń sḭḭ̄ ī-tɔ̄līdə́ ní. Ba sḭḭ̄ ɓáa m-ā m̄-tə̄ɓāsí kɔ̄ɔ́ kemeé.

EJEKIEL 24:4

Ī-tə́jā dā̰ ī-ɓōkə́ kemeé, dā̰ kə́ majə majə gə̄ malang, ɓúrən ō, kɔ̄bən ō. Ī-ɓōkə́ kə̄ngān kə́ majə majə gə̄ dɔ tə́ ī-tɔ̄ləń ta ādə̄ rosə.

MISE 2:8

Banī Kɔ́ɔ̄ɓē ədasí sḭḭ̄ na: Háĺ ń sḭḭ̄ ā ī-rāāī kə́ gír deē yāḿ gēé ní, i tītə̄ yā madə̄ ba̰ā̰ gə̄. Ngé gə̄ ń télən̄ ta rɔ̄ɔ̄ tə́ ō, njə̄rān̄ loo yādə́ kanjə̄ sōl̄ yá̰á̰ kógə̄ḿ ō ní, sḭḭ̄ ī-táāī kūbə̄ yādə́ gə̄ kə́ dɔ madə̄ gə̄ tə́.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

MISE 7:3

Rāā yá̰á̰ kə́ majaĺ ní, nin̄ ngangə̄n̄ ngá̰ý loon tə́. Ngār gə̄ adə̄ a mangən̄də́ i mbée ō, ngār sarya gə̄ a dəjen̄ i yá̰a̰ kəndā nja gə̄ ō, yá̰a̰ gə̄ ń de kə́ bo gə̄ gḛyn̄ kənge ní, nin̄ ədan̄ adə̄ kumən unjə̄ ō. Nin̄ əndān̄ rɔ̄də́ naā tə́ yā rāań yá̰a̰ yādə́ kə́ majaĺ gə̄ ō.

IJAI 5:20

I yá̰á̰ kə́ to kum kaȳ aĺ kə́ ba̰ý beē tām̄ yā ngé gə̄ ń ədan̄ na: Yá̰á̰ kə́ majaĺ i yá̰á̰ kə́ majə, yá̰á̰ kə́ majə i yá̰á̰ kə́ majaĺ tə́ ní. Nin̄ tūrə̄n̄ loo kə́ ndɔ̄ɔ́ adə̄ tél loo kə́ unjə̄ kow ō, tūrə̄n̄ loo kə́ unjə̄ kow adə̄ tél loo kə́ ndɔ̄ɔ́ ō. Nin̄ rāān̄ yá̰á̰ kə́ atə̄ adə̄ téĺ yá̰á̰ kə́ nel̄ ō, rāān̄ yá̰á̰ kə́ nel̄ adə̄ téĺ yá̰á̰ kə́ atə̄ ō.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.