MISE 2:7 - Bibəl ta Sar̄

⁷ Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.

Bible sar

⁷ Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.

MISE 2:7 Referans Kwoze

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

PĀ GƏ̄ 15:2

I deē ń najə̄ gətóo dɔn tə́ ní, i nge ń rāā yá̰á̰ kə́ gōtə́ ní ō, najə̄ kə́ tan tə́ i najə̄ ń ni gír̄ kemən tə́ rɔ̄kum ō ní.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

Gōsə̄ najə̄ gə̄ 28:18

De kə́ najən gətóo a ajə, banī nge tə́lá hálən naā tə́ a tḭ̄ḭ̄ ta rɔ̄n ndɔ̄ kógə̄ḿ tə́.

Gōsə̄ najə̄ gə̄ 10:29

Róbə yā Kɔ́ɔ̄ɓē i ɓē kə́ ngan̄g yā nge rāā yá̰a̰ kə gōó, banī i nujə sák sák kə́ tām̄ yā ngé rāā yá̰a̰ kə́ majaĺ gə̄ tə́.

Gōsə̄ najə̄ gə̄ 10:9

De kə́ nge rāā yá̰á̰ kə gōó i de kə́ sōl̄ yá̰á̰ kógə̄ḿ alé, banī gír de kə́ nge rāā yá̰a̰ kə gōó alé a teē dɔɔ́.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

2 KORḚNTƏ 6:12

Kəda na loo yāsí na gətóo kemjí tə́ ní, i najə̄ kə́ rɔ̄kum alé, ba i sḭḭ̄ n ī-teēī kemsí adə̄jí alé ní.

Makətūbə̄ ń Pol ndang adə̄ Rom gə̄ ní 7:13

Adə̄ yá̰á̰ ń i yá̰á̰ kə́ majə ní tél reē kə yoó dɔḿ tə́ a? I tītə̄ ń noō alé. I majaĺ n rāā yá̰á̰ ń noō ní. Ni ɔjə kə̄ ndágá kadə̄ ni i yá̰á̰ kə́ majaĺ. Tɔdɔ̄ ni-un yá̰á̰ kə́ majə tɔ̄l̄məń. Loo téĺ ń yá̰á̰ kə́ majaĺ téləń yá̰á̰ kə́ majaĺ ngá̰ý al̄ naā kə ta kūl̄ gō míndə́ ní n noó.

JA̰A̰ 8:39

Nin̄-tél ədanən̄ na: Bɔbə̄jí i Abəraham. Jeju ədadə́ na: Ré sḭḭ̄ i ngán Abəraham gə̄ anī, ā ī-rāāī kəla gə̄ ń Abəraham rāā ní.

MATIYE 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄.

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

JEREMI 2:4

Ōōī najə̄ kɔr̄ Kɔ́ɔ̄ɓē, sḭḭ̄, deē yā Jakob gə̄, naā tə́ kə de gə̄ kə́ gír kojə yā Israel tə́ malang.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

Gōsə̄ najə̄ gə̄ 14:2

Nge rāā háĺ kə́ súmūú i de kə́ nge ɓōĺ ndíĺ Kɔ́ɔ̄ɓē, nge rāā yá̰a̰ gōtə́ aĺ i de kə́ nge kídə̄n.

Gōsə̄ najə̄ gə̄ 2:7

Ni i nge rāā kadə̄ kəla rāā de kə́ súmūú gə̄ teē majə. Ni to i tītə̄ der beé tām̄ yā nge rāā háĺ kə́ gōtə́ tə́.

PĀ GƏ̄ 119:65

Kɔ́ɔ̄ɓē, ī-rāā majə seḿ mā nge kəla yāí tītə̄ ń ə́dań ní.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

PĀ GƏ̄ 119:68

Kɔ́ɔ̄ɓē, ḭ̄ i de kə́ majə ō, ā ī-rāā majə kə deé ō, ī-ndóōm̄ yá̰a̰ gə̄ ń ī-ndang kadə̄ yā rāā ní.

PĀ GƏ̄ 18:26

Kɔ́ɔ̄ɓē, deē ń ra dɔ ndūn tə́ seí ní ḭ̄ ī-ra dɔ ndūí tə́ kə kɔ́ɔ̄ɔ́ ō, deē ń əndā kumən gíŕ yá̰á̰ tə́ rāā kə gōó ní ḭ̄ ɔ́jə́ kɔ́ɔ̄ kadə̄ ḭ̄ i nge kəndā kumií gíŕ yá̰á̰ tə́ rāā kə gōó ō.