MISE 2:6 - Bibəl ta Sar̄

⁶ De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

Bible sar

⁶ De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

MISE 2:6 Referans Kwoze

AMOS 2:12

Banī ngé gə̄ ń ənīn̄ ndūdə́ yā ka̰ȳ kasə nduú aĺ ní, sḭḭ̄ ī-rāāīdə́ adə̄ a̰ȳn̄ ō, ngé koō ta gə̄ ń mā m-ə̄ndā najə̄ tadə́ tə́ kadə̄ ədan̄ ní, sḭḭ̄ ɔ̄gīdə́ kɔr̄ najə̄ ō.

IJAI 30:10

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

KƏLA RĀĀ 5:40

anī tél ɓārə́n̄ ngámbang kəla gə̄ gogə́, ba adə̄ əndan̄də́ kə ndéyé ō, ɔgə̄n̄də́ kɔr̄ najə̄ kə rī Jeju ō, pá tá əya̰n̄də́ dɔɔ́.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

KƏLA RĀĀ 4:17

Banī yā kadə̄ najə̄ ní aw̄ń kə̄ kété dan ngán Israel gə̄ tə́ aĺ ɓáa, adə̄ j-a̰yī ndíĺdə́ j-ɔgīneédə́ kɔr̄ najə̄ kə deē kógə̄ḿ kə rī Jeju.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

AMOS 7:13

Ba Betel tə́ laā ɓáa, ādə̄ asiī kɔr̄ najə̄ kə́ loo nge koō ta tə́! Tɔdɔ̄ i loo kə́ kɔr̄ kam̄ yā mban̄g ō, i kújə yā Kɔ́ɔ̄ɓē kə́ kem ɓē ko̰o̰ tə́ ō.

EJEKIEL 21:2

Ḭ̄ ngōn̄ deē, ī-tūr̄ kumií kə̄ dām̄ mbɔ́r ɓē kə́ geleé tə́. De gə̄ ń ndin̄ kem ku gə̄ tə́ dām̄ mbɔ́r ɓē kə́ geleé tə́ ní, ɔ̄r̄ najə̄ sedə́ kə ngangá ādə̄m̄.

EJEKIEL 3:26

M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

AMOS 7:16

Banī ḭ̄ Amasia ə́dam̄ na kə m̄-lōō kəda najə̄ kə́ Nə́ɓā əndā taḿ tə́ yā rɔ̄ɔ̄ń Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.