MISE 2:4 - Bibəl ta Sar̄

⁴ Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

Bible sar

⁴ Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

MISE 2:4 Referans Kwoze

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

MISE 1:15

Sḭḭ̄ de kə́ Maresa gə̄, Kɔ́ɔ̄ɓē a reē kə nge taā ɓē kógə̄ḿ yā rɔ̄ɔńsí. Ngār gə̄ kə́ Israel tə́ ń de gə̄ ɔsən̄ gɔndə́ ní, a aw̄n̄ yā ɓɔ̄ɔ̄ rɔ̄də́ kem bəlo mbal̄ kə́ Adulam tə́.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

IJAI 24:3

Nujən̄ dɔ nang sák sák, ɔyn̄ yá̰á̰ kə́ tū tə́ malang dɔ gúú tə́, tām̄ i Kɔ́ɔ̄ɓē n gḛy kadə̄ i tītə̄ ń noō ní.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

NDŪ NAJƏ̄ 28:29

A ī-mám̄ loo dan kadə ndaá tītə̄ nge kum tɔ̄ɔ̄ ō, yá̰á̰ kə́ a teēī do tə́ a gətóo ō. De gə̄ a əsanī i mbéé ngándáńg ō, a taān̄ yá̰a̰ yāí gə̄ jīí tə́ kɔ̄ɔ́ ō, de kə́ yā dḭḭ̄ī a gətóo ō.

TƏ́DA 23:7

Tā anī ni tə́da najə̄ gə̄ ń toō: Balak əla gōḿ tə́ dɔ nang kə́ Aram tə́ adə̄ m̄-reē. Mban̄g kə́ Moab əla ɓārə́m̄ tə́ dɔ mbal̄ gə̄ kə́ gír ɓē tə́ tə́ ba ədam̄ na: Ī-reē, ī-ndɔ̄ĺ de gə̄ kə́ gír kaa yā Jakob tə́ ādə̄m̄. Ī-reē ə̄nī taí gō ngán Israel gə̄ tə́ ādə̄m̄.

MARK 12:12

Nin̄-sāān̄ kəhɔn, banī ɓōlə́n̄ kósə de gə̄. Tɔdɔ̄ nin̄-gerə̄n̄ kadə̄ Jeju əda kūjə́ najə̄ ní i tām̄ yādə́ nin̄ tə́. Adə̄ nin̄-əya̰nən̄ ba aw̄n̄ loo yādə́.

SOPONI 1:2

Kɔ́ɔ̄ɓē əda wáńg na: M-ā m-ɔ̄r̄ yá̰a̰ malang kɔ̄ɔ́ dɔ nang tə́.

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

AMOS 5:17

Dan ń m-ā m̄-mān̄ dáńsí tə́ anī, pā yo gə̄ a ɓārə̄n̄ kə̄ kem ndɔr̄ kāgə̄ nduú gə̄ tə́ malang. I Kɔ́ɔ̄ɓē n əda najə̄ ń noō ní.

AMOS 5:1

Israel gə̄, ōōī kum pā yo ń m-ə̄nī m-ā m̄-nōońsí toō:

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

JOEL 1:8

Ī-nō rɔ̄í, tītə̄ ngōmandə kə́ ger̄ dəngam aĺ ɓáý kə́ o̰ō̰ sákə̄ kūbə̄ rɔ̄n tə́, yā nōoń dəngam ń əhɔ gātə̄n dan ń ni i mandən tə́ ní.

EJEKIEL 16:44

Kɔ́ɔ̄ɓē əda ɓáý to̰ na: Jerusalem, ngé rāā mēlē tām̄ gə̄ a rāān̄ mēlē tām̄ ń toō seí, nin̄ a ədan̄ na: Kó̰o̰ ngōn̄ nin̄ kə ngōnən kə́ dəyá̰ ton̄ i tītə̄ naā.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

JEREMI 14:18

Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

Makətūbə̄ yā Job 27:1

Job un ta kɔr̄ najə̄ yān kə míndə́ kə́ kə gōsōó əda na:

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

2 SAMUEL 1:17

Loo ń noō tə́ Dabid un pā yo nōoń Saul nin̄ kə ngōnən Jonatan.

TƏ́DA 24:15

Anī Balam tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō, mā ń i de kə́ nge koō najə̄ kɔr̄ Nə́ɓā ō, mā ń i nge ger̄ yá̰a̰ yā Nə́ɓā kə́ dɔɔ́ sa̰y ngá̰ý ní ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjə̄m̄ ní ō. Dan ń m̄-rɔȳ Nə́ɓā anī, ni-tḛḛ̄ kumḿ adə̄ m-á̰á̰ yá̰á̰ kə́ to loo mundə̄ tə́.

TƏ́DA 24:3

adə̄ ni tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō,

TƏ́DA 23:18

Anī Balam tə́da najə̄ gə̄ ń toō: Balak, ḭ́ḭ dɔɔ́, ōō. Ngōn̄ Sipor, ī-nēl̄ mbīí ōoń najə̄ kɔrə̄ḿ.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.