MISE 2:13 - Bibəl ta Sar̄

¹³ Nge njar róbə a njə̄rā kété nosí tə́. Əya̰n̄sí dɔɔ́ adə̄ í-mānī ta róbə́ tə́ ō, ī-teēī ndágá ō. I Kɔ́ɔ̄ɓē ń i mban̄g yāsí ní n i nge kɔr nosí ní.

Bible sar

¹³ Nge njar róbə a njə̄rā kété nosí tə́. Əya̰n̄sí dɔɔ́ adə̄ í-mānī ta róbə́ tə́ ō, ī-teēī ndágá ō. I Kɔ́ɔ̄ɓē ń i mban̄g yāsí ní n i nge kɔr nosí ní.

MISE 2:13 Referans Kwoze

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

HEBƏRO 6:20

i loo ń noō n Jeju udə tū tə́ kété nojí tə́ tām̄ yājí tə́ ní. Ni-tél ngol ngé tun̄ yá̰a̰ gə̄ kə́ ngándáńg i kə gō jī loo rāā kəla yā Melkisedek ní.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

IJAI 42:7

De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

Teē Ngán Israel gə̄ 14:19

De kə́ dɔ rā̰ tə́ yā Nə́ɓā ō, kil̄ man̄ ō ń a njə̄rān̄ kété no Ngán Israel gə̄ tə́ ní tél aw̄ ran̄ gogə́ gōdə́ tə́.

JOJUE 3:6

Teē kə ndɔ̄ kə́ noō anī, ni-əda ngé tun̄ yá̰a̰ gə̄ kadə̄ unən̄ sandúkə madə̄ naā ba kə mānə̄n̄ kété no de gə̄ tə́. Anī nin̄ rāān̄ tītə̄ ń Jojue ədańdə́ ní, adə̄ unən̄ sandúkə madə̄ naā ba mānə̄n̄ kété no de gə̄ tə́.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.