MISE 2:1 - Bibəl ta Sar̄

¹ Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

Bible sar

¹ Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

MISE 2:1 Referans Kwoze

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

IJAI 32:7

Ngé gól̄ madə̄də́ gə̄ rāān̄ i yá̰á̰ kə́ tōr̄ ngá̰ý. Nin̄ númə̄n̄ rāā yá̰á̰ kə́ majaĺ gə̄ yā nujəń ngé ndoō gə̄ kə ta kūl̄ najə̄ kə́ sor̄ gə̄. Tá ngé ndoō gə̄ ngeé ń toō ní, a dəjen̄ i yá̰a̰ yādə́ kə́ sɔɔ̄də́ ngóy.

NAHUM 1:11

De kógə̄ḿ kə́ núm̄ rāā yá̰á̰ kə́ majaĺ kə Kɔ́ɔ̄ɓēé, de kə́ yá̰a̰ gə̄ ń ni-ɔjə rāā ní i nujə loo, teē kemií ḭ̄ ɓē kə́ Ninibə tə́.

Makətūbə̄ ń Pol ndang adə̄ Rom gə̄ ní 1:30

ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

Gōsə̄ najə̄ gə̄ 4:16

Nin̄ a ɓīīn̄ alé, bátə́ kadə̄ ré rāān̄ yá̰á̰ kə́ majaĺ pá tá, ré nin̄ rāān̄ deē kógə̄ḿ adə̄ əsō aĺ anī, ɓīī a əhɔ ta kumdə́ alé.

Gōsə̄ najə̄ gə̄ 3:27

Deē ń yá̰a̰ tōr̄ rɔ̄n ní, ré ásə rāā majə seneé ɓáa ī-lōō mbātə́ rāā seneé.

TA KƏLA 31:29

M-ásə rāāsí yá̰á̰ kə́ tōr̄ ɓá tā ba Nə́ɓā yā bɔbí ədam̄ ndɔ̄ɔ́ laā na kə m̄-lōō rāā yá̰á̰ kógə̄ḿ seí.

KƏLA RĀĀ 23:12

Dan ń loo tīī anī Jipə kə́rēý gə̄ oōn̄ naā, nin̄-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré n-tɔ̄lə̄n̄ Pol pá tá.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

NDŪ NAJƏ̄ 28:32

Ngání kə́ dəngam gə̄ ō, kə́ dəyá̰ gə̄ ō a aw̄n̄ ɓəloó ɓē gír de kə́ rang gēé ta kumií tə́. A ɔr loo gó̰ō̰ ta róbə́də́ tə́ dəloí bátə́ kadə̄ mbang udəń. Ba ḭ̄ ā ásə rāā yá̰á̰ kógə̄ḿ alé.

KƏLA RĀĀ 23:15

Ní, kə nin̄ ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, kadə̄ míndə́də́ kə i kógə̄ḿ beē kə ngé sarya kə́ bo gə̄ yā Jipə gə̄, ba kə dəjen̄ ngol áskar gə̄ kə́ bo kadə̄ reē kə Poló. Kə rāān̄ tītə̄ kə́ a sāān̄ i tél kəndā ma̰ȳ najə̄ yā Pol ní rang kə gōó beē. Ba nin̄ kɔ́ gə̄ tā a na n-ran̄ dɔ rɔ̄də́ tə́ kɔ̄ɔ́ yā tɔ̄l̄ Pol kété pá tá kadə̄ a ugə̄ ɓáý.

Gōsə̄ najə̄ gə̄ 12:2

Kɔ́ɔ̄ɓē ndigə de kə́ majə, ba ni-gān̄g sarya dɔ deē ń gír̄ kə́ kemən tə́ i gír̄ kə́ majaĺ ní.

Najə̄ kə́ Majə yā Jeju ń Luk ndang ní 20:19

Ngé ndóō de gə̄ ndū najə̄ gə̄ kə ngol gə̄ kə́ dɔ ngé tun̄ yá̰a̰ gə̄ tə́ a sāān̄ kəhɔ Jeju kə̄ ta jī tə́ beē, ba nin̄-ɓōlə́n̄ ngán Israel gə̄. Tɔdɔ̄ nin̄-gerə̄n̄ majə kadə̄ kūjə́ najə̄ ń Jeju əda ní sɔɔ̄ i dɔdə́ nin̄.

MARK 15:1

Ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, ngé ndóō de gə̄ ndū najə̄ gə̄ ō, ngé sarya gə̄ malang ō, oōn̄ naā dəloí ɓatə, pá tá do̰ō̰n̄ Jeju kə kəlāá ba aw̄n̄ seneé, əlanən̄ jī Pilatə tə́.

EJEKIEL 11:2

Ndíl ədam̄ na: Ḭ̄ ngōn̄ deē, ōō! De gə̄ ń gírə̄n̄ rāā yá̰á̰ kə́ majaĺ ní n ndin̄ noō. Nin̄ adə̄n̄ de gə̄ kɔjə̄ kə́ majaĺ gə̄ kem ɓē kə́ Jerusalem tə́.

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

Makətūbə̄ yā Job 24:14

Dan ń loo a rāā yā tīī anī, nge tɔ̄l̄ deē ḭḭ dɔɔ́, ni tɔ̄l̄ nge ndoō ō, de kə́ nge rɔ̄ tō ndoō ō. Ba ndɔ̄ɔ́ anī, ni-rāā yá̰á̰ kə́ de kə́ nge ɓogə tə́.

Gōsə̄ najə̄ gə̄ 14:22

Ngé gír̄ rāā yá̰á̰ kə́ majaĺ gə̄ ndómə̄n̄. Ngé gír̄ rāā yá̰á̰ kə́ majə gə̄ a rāān̄ yá̰a̰ i kə kem majaá ō i kə háĺ kə́ seweé ō.

IJAI 29:20

Tām̄ i ta tɔ̄l̄ ta ngé gə̄ ń ko̰o̰ ɓē malang i gír jīdə́ nin̄ kɔ́ gə̄ tə́ ní ō, ngé lur loo gə̄ a gətóon̄ kɔ̄ɔ́ ō. Ngé sāā rāā yá̰á̰ kə́ majaĺ kə madə̄də́ gēé ō, ngé tetə najə̄ dɔ de gə̄ tə́ ō, ngé kəyā gūmbə̄ no ngé sarya gə̄ tə́ ō, ngé gān̄g sarya dɔ de kə́ najə̄ gətóo dɔn tə́ ō ní, a rāān̄də́ kadə̄ nin̄ a gətóon̄ kɔ̄ɔ́.

EJEKIEL 33:26

Sḭḭ̄ ə̄ndāī tɔ́gə́sí i dɔ yá̰a̰ rɔ̄ɔ̄ yāsí gə̄ tə́ ngóy. Sḭḭ̄ ī-rāāī yá̰á̰ kə́ majaĺ ngá̰ý gə̄. Sḭḭ̄ dəngam gə̄, ī-taāī nə̄yá̰ madə̄sí gə̄. Ní, loo kadə̄ ɓē i yāsí i ba̰ý?

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

EJEKIEL 46:18

Ngār a taā yá̰á̰ kógə̄ḿ gə̄gē kə́ tū yá̰a̰ kənge yā gír de gə̄ tə́ aĺ ō, ni a taā yá̰a̰ kənge yādə́ gə̄ dɔ gúú tə́ aĺ ō. Yá̰a̰ kənge ń ni a adə̄ ngánən gə̄ ní a un i nge kə́ dan yá̰a̰ kənge yān nəkɔ́ tə́, tām̄ kadə̄ tə̄ɓān̄ deē kógə̄ḿ kə́ dan gír deē yāḿ tə́ kɔ̄ɔ́ dɔ nang yān tə́ alé.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

JAKARI 7:10

Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

1 MBAN̄G GƏ̄ 21:7

Nə̄yá̰n Jesabel tél ədan na: I ḭ̄ n i nge ko̰o̰ ɓē dɔ Israel gə̄ tə́ ní aĺ a! Ḭ́ḭ dɔɔ́ ə́sa yá̰a̰, ādə̄ rɔ̄í nelī. I mā n m-ā m-ādī ndɔr̄ kāgə̄ nduú yā Nabot kə́ Jisreel ní.

Makətūbə̄ yā Job 15:35

Deē ń ndān̄ i ngōn̄ yá̰á̰ kə́ majaĺ ní, a ojə i yá̰á̰ kə́ to kum kaȳ aĺ ō, yá̰á̰ ń ni núm̄ kemən tə́ ní, a gól̄ i ngarā̰ kemən nəkɔ́ ō.

PĀ GƏ̄ 36:5

Dan ń to ndɔ̄ɔ́ anī, a núm̄ i yá̰á̰ kə́ majaĺ kə́ yā teē rāā. Ni un gō róbə́ kə́ majaĺ kə̄ non tə́, mbātə́ yá̰á̰ kə́ majaĺ aĺ bátə́.

PĀ GƏ̄ 58:3

Sḛ́ý aĺ bátə́! Ī-rāāī yá̰á̰ kə́ gōtə́ aĺ gə̄ i ndāńg ndāńg. I sḭḭ̄ kɔ́ gə̄ n ə̄nīī rɔ̄sí ī-rāāī ādə̄ dɔ́nɔ taā loo dɔ nang tə́ kum kə̄ kété kété ní.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.