MISE 1:9 - Bibəl ta Sar̄

⁹ Tɔdɔ̄ ndéý ń ɔdə Samari ní, dáwán gətóo. Ɓē kə́ Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.

Bible sar

⁹ Tɔdɔ̄ ndéý ń ɔdə Samari ní, dáwán gətóo. Ɓē kə́ *Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.

MISE 1:9 Referans Kwoze

MISE 1:12

Ɓōĺ rāā de kə́ Marot gə̄ adə̄ ndewn̄ najə̄ yá̰a̰ kənge yādə́ tə́. Tɔdɔ̄ yá̰á̰ kə́ to kum kaȳ aĺ ń Kɔ́ɔ̄ɓē əlań ní, reē ugə̄ ta róbə́ kə́ Jerusalem tə́.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

MISE 6:13

I tām̄ najə̄ ń toō tə́ n m-ə́lá gír kəndasí ní, m-ə́lá gír nujəsí kɔ̄ɔ́ najə̄ mān̄ dɔ ndū Nə́ɓā yāsí gə̄ tə́ ní.

NAHUM 3:19

Rɔ̄ɔ̄ ń tetiī ní i kə́ njɔ́ḿ gə̄ tə́ ō, do gə̄ ń ə́ngé ní, a asən̄ kedə̄ aĺ ō. De gə̄ malang ń oōn̄ kōōí ní, əndan̄ jīdə́ gíŕ yá̰á̰ kə́ to kum kaȳ aĺ ń teē dɔí tə́ ní. Tām̄ i náā n a̰a̰ tápə̄ najə̄ yá̰a̰ rāāí gə̄ kə́ kumií o̰o̰ī loo rāā tə́ aĺ alé ní? Yá̰a̰ rāāí gə̄ ní, loo dəba tadə́ gətóo!

IJAI 36:1

Kem ɓāl̄ ko̰o̰ ɓē kə́ nge ko̰ kutə gidə i sɔ́ yā Ejekias tə́ ní, Senakerib mban̄g kə́ Asiri reē ənī rɔ̄ɔ̄ ɓē kə́ ngan̄g ngan̄g gə̄ malang kə́ kem ɓē ko̰o̰ kə́ Juda tə́ ba táā.

IJAI 36:2

Dan ngeé ń noō tə́ ní mban̄g kə́ Asiri ndi i Lakis. Ni-əla ngol áskar yān gə̄ kə́ dɔ madə̄ gə̄ tə́ rɔ̄ Ejekias tə́ Jerusalem kə ɓūtə̄ ngé rɔ̄ɔ̄ gə̄ kə́ ngá̰ý. Ngol áskar gə̄ ní ra kadə bəlo ń ndērə̄n̄ kə ngālāá kadə̄ man̄ kə́ loo kə́ kḭḭ kə̄ dɔɔ́ tə́ mān̄ kemeé ní tə́, dɔ róbə́ kə́ kaw̄ kə̄ ndɔr̄ yā ngé rāā kəla kūbə̄ gə̄ tə́.