MISE 1:7 - Bibəl ta Sar̄

⁷ Yá̰a̰ malang kə́ nō horoó rāā nə́ɓā yān kə́ rɔ̄kum aĺ gə̄ tə́ ní, a tétə̄n̄ rárák kɔ̄ɔ́ ō, yá̰a̰ malang ń ənge karī ní, a ɓōkə́n̄ kum hor tə́ kɔ̄ɔ́ ō. Yá̰a̰ gə̄ ń ni nōōdə́ horoó rāādə́ nə́ɓā yān gə̄ tə́ ní, m-ā m̄-tétə̄də́ kɔ̄ɔ́. Tɔdɔ̄ Samari rāādə́ i kə nar gíŕ dəyá̰ yān gə̄ kə́ ngé rāā ájə́ba gíŕ kújə ɓesēé. Ba gində̄ kə́ tɔ̄ɔ̄ kɔ̄ɔ́ gə̄ ń i gində̄ kə́ nō horoó rāā nə́ɓā kə́ rɔ̄kum aĺ gə̄ tə́ ní, i yā kɔy kadə̄ gíŕ ájə́ba kə́ rang gə̄ tə́.

Bible sar

⁷ Yá̰a̰ malang kə́ nō horoó rāā nə́ɓā yān kə́ rɔ̄kum aĺ gə̄ tə́ ní, a tétə̄n̄ rárák kɔ̄ɔ́ ō, yá̰a̰ malang ń ənge karī ní, a ɓōkə́n̄ kum hor tə́ kɔ̄ɔ́ ō. Yá̰a̰ gə̄ ń ni nōōdə́ horoó rāādə́ nə́ɓā yān gə̄ tə́ ní, m-ā m̄-tétə̄də́ kɔ̄ɔ́. Tɔdɔ̄ Samari rāādə́ i kə nar gíŕ dəyá̰ yān gə̄ kə́ ngé rāā ájə́ba gíŕ kújə ɓesēé. Ba gində̄ kə́ tɔ̄ɔ̄ kɔ̄ɔ́ gə̄ ń i gində̄ kə́ nō horoó rāā nə́ɓā kə́ rɔ̄kum aĺ gə̄ tə́ ní, i yā kɔy kadə̄ gíŕ ájə́ba kə́ rang gə̄ tə́.

MISE 1:7 Referans Kwoze

NDŪ NAJƏ̄ 23:18

Dəyá̰ aláa dəngam kə́ Israel tə́ a rāā ájə́ba ń i rāā ɓesə̄ ní alé.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

JEJU TEĒ KUM JA̰A̰ 18:3

Tɔdɔ̄ nápar de gə̄ malang a̰ȳn̄ kasə ájə́ba kɔ̄r̄ yān ō, mban̄g kə́ dɔ nang tə́ gə̄ malang ɓīīn̄ seneé loo ájə́ba tə́ ō, ngé rāā gātə̄ kə́ dɔ nang tə́ gə̄ əngen̄ yá̰a̰ kə ta kūl̄ mang kə́ ni-mangdə́ yá̰á̰ kə́ majə ngá̰ý gə̄ kə́ gātə̄də́ i ngá̰ý tə́ ō.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

JEJU TEĒ KUM JA̰A̰ 18:9

Dan ń mban̄g kə́ dɔ nang tə́ gə̄ ń ɓīīn̄ seneé loo ájə́ba tə́ ō, tə́ndān̄ yá̰á̰ kə́ majə ngá̰ý yādə́ gə̄ kə ta naá ō, a a̰a̰n̄ sa hor kə́ dɔn tə́ anī, a nōōn̄ ō, a əndan̄ kadədə́ najə̄ yān tə́ ō.

JOEL 3:3

M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō, Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

2 YÁ̰A̰ GƏ̄ 31:1

Dan ń gír yá̰a̰ gə̄ ń noō malang gān̄g anī, ngán Israel gə̄ malang ń nin̄ i noó ní, aw̄n̄ kə̄ kem ɓē gə̄ kə́ Juda tə́ aw̄ tɔ̄ɔ̄n̄ mbal̄ kə́ túdə̄ kə nja dɔɔ́ gə̄ kɔ̄ɔ́ ō, jéngə̄n̄ kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, nujən̄ kə loo ndɔ̄ȳ gə̄ ō, kə loo tun̄ yá̰á̰ kə́ tū tə́ gə̄ ō kɔ̄ɔ́. Rāān̄ tītə̄ ń noō dɔ nang kə́ Juda tə́ malang ō, kə́ Benjamḛ tə́ ō, Epəraim tə́ ō, Manase tə́ ō. Gō tə́ anī nin̄ malang télən kógə̄ḿ kógə̄ḿ kə̄ ɓē yādə́ gə̄ tə́.

NDŪ NAJƏ̄ 9:21

M-ún ngōn̄ man̄g ń ī-rāāī á i kəla rāāsí kə́ majaĺ ní m̄-róō horoó ba m-úr ndujə̄ tə́, m̄-seĺ kum man̄ ń ḭḭ dɔ mbalá a nūgə́ ní tə́.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

1 SAMUEL 5:4

Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 23:17

Dan ń gír ɓāl̄ kə́ kutə sīrí gə̄ gān̄g anī, Kɔ́ɔ̄ɓē a rāā yá̰á̰ kógə̄ḿ dɔ nang kə́ Tir tə́. Ɓē a tél yā kənge nar gogə́. Ni a rāā ájə́ba kə ɓē ko̰o̰ gə̄ malang kə́ dɔ nang tə́.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.

OJEE 8:5

I beé ní, sḭḭ̄ de kə́ Samari gə̄, ī-mbātíī ngōn̄ man̄g lɔ́r yāsí kɔ̄ɔ́! Ī-rāāmī adə̄ wōn̄g rāām̄. Sḭḭ̄ ásiī ndi kanjə̄ rāā yá̰á̰ kə́ gōtə́ aĺ alé. Nge ń noō a to i bátə́ ta kə́ rá?