MISE 1:5 - Bibəl ta Sar̄

⁵ Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ ndū najə̄. Tɔdɔ̄ ɓē ko̰o̰ kə́ Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

Bible sar

⁵ Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ *ndū najə̄. Tɔdɔ̄ ɓē ko̰o̰ kə́ *Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ *ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā *Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

MISE 1:5 Referans Kwoze

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

JEREMI 4:18

I hálí ō, kəla rāāí gə̄ ō n reēn̄ kə yá̰a̰ gə̄ ń noō kə̄ dɔí tə́ ní I yá̰á̰ ń kem ndul yāí ojə adī ní n noó. I yá̰á̰ kə́ atə̄ rɔ̄kum ba aw̄ bátə́ ɔtə̄ ngarā̰ kemií tə́.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

1 MBAN̄G GƏ̄ 13:32

Tɔdɔ̄ najə̄ ń kə́ dɔ loo tun̄ yá̰á̰ kə́ Betel tə́ ō, dɔ kújə gə̄ malang kə́ dɔ loo ndɔ̄ȳ gə̄ kə́ kem ɓē kə́ Samari tə́ ō ń ni un ndū kə̄ dɔɔ́ ədań ní i najə̄ yā Kɔ́ɔ̄ɓē, adə̄ a rāā yá̰a̰ rɔ̄kum.

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

JEREMI 5:25

I majaĺ yāsí gə̄ n rāān̄ adə̄ yá̰a̰ a̰a̰ gō naā aĺ ní ō, i yá̰á̰ kə́ gōtə́ aĺ yāsí gə̄ n utə̄n̄ ta róbə́ yá̰á̰ kə́ majə gə̄ ń noō ō ní.

2 YÁ̰A̰ GƏ̄ 34:3

Kem ɓāl̄ ko̰o̰ ɓē yān kə́ nge ko̰ sɔ́sɔ́ tə́, adə̄ dan ń ni i son̄g deē ɓáý ní, əla gír sāā Nə́ɓā yā kaan Dabid. Ba kem ɓāl̄ ko̰o̰ ɓē yān kə́ nge ko̰ kutə gidə i jōó tə́ anī, ni nujə loo ndɔ̄ȳ gə̄ ō, ró̰ȳ ɓesə̄ kāgə̄ kə́ túdə̄ gə̄ kɔ̄ɔ́ ō, ɓesə̄ kāgə̄ kə́ tɔ́sə̄ kə́ yā ɓōĺ gidə gə̄ ō, ɓesə̄ gində̄ kə́ nō horoó gə̄ ō ní ni nujəń kɔ̄ɔ́.

2 YÁ̰A̰ GƏ̄ 34:4

Loo tun̄ yá̰a̰ gə̄ ń a tunə̄n̄ yá̰a̰ dɔ tə́ adə̄n̄ ɓesə̄ Baal gə̄ ní, nujən̄neé kɔ̄ɔ́ i ta kumən tə́ ō. Ni nujə loo róō ndujə̄ yá̰á̰ kə́ kotə majə gə̄ kə́ dɔ loo tun̄ yá̰a̰ gə̄ ní tə́ kɔ̄ɔ́ ō. Jén̄g kāgə̄ ɓesə̄ kə́ túdə̄ gə̄ ō, kāgə̄ ɓesə̄ kə́ tɔ́sə̄ kə́ yā ɓōĺ gidə gə̄ ō kɔ̄ɔ́. Ɓesə̄ gində̄ kə́ nō horoó gə̄ ní, ni nujəń kɔ̄ɔ́ ō. Ni tétə̄də́ rárák ba seĺ butə̄də́ dɔ ɓádə de gə̄ ń tunə̄n̄ yá̰a̰ gə̄ adə̄n̄də́ ní tə́.

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

MISE 1:13

Sḭḭ̄ de kə́ Lakis gə̄, ādə̄ sə́nda yāsí gə̄ unən̄ púsə rɔ̄ɔ̄. Sḭḭ̄ ī-raī dɔ ndūsí tə́ alé tītə̄ yā Israel gə̄ ō, de kə́ Jerusalem gə̄ ndájə̄n̄ yá̰a̰ rāāsí kə́ majaĺ gə̄ ō.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

1 MBAN̄G GƏ̄ 16:24

Gō tə́ anī aw̄ mang mbal̄ kə́ Samari jī Semer tə́ kə nar gində̄ arjā̰a̰ dūbú mehḛ́. Ni-rāā ɓē dɔ mbal̄ ní tə́ ba əndā rī ɓē ní na i Samari kə rī Semer kɔ́ɔ̄ mbal̄ ní.

JEREMI 23:13

M-á̰á̰ yá̰á̰ kə́ ngɔr mbiti gə̄ rɔ̄ ngé koō ta kə́ Samari tə́ gə̄ tə́. Nin̄ ɔrə̄n̄ najə̄ kə rī Baal adə̄ gír deē yāḿ gə̄ ń i Israel gə̄ ní ndɔmə̄n̄ róbə.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.