MISE 1:14 - Bibəl ta Sar̄

¹⁴ I tām̄ najə̄ ń toō tə́ n majə kadə̄ ɔ̄rī rɔ̄sí kɔ̄ɔ́ rɔ̄ de kə́ Moreset gə̄ tə́, ngɔr kə̄ kadə ɓē kə́ Gat tə́ ní. Adə̄ ɓē bo kə́ Akjib a reē kə yá̰á̰ kógə̄ḿ yā kɔsəń kíl mban̄g gə̄ kə́ dɔ gír de gə̄ yā Israel tə́ alé.

Bible sar

¹⁴ I tām̄ najə̄ ń toō tə́ n majə kadə̄ ɔ̄rī rɔ̄sí kɔ̄ɔ́ rɔ̄ de kə́ Moreset gə̄ tə́, ngɔr kə̄ kadə ɓē kə́ Gat tə́ ní. Adə̄ ɓē bo kə́ Akjib a reē kə yá̰á̰ kógə̄ḿ yā kɔsəń kíl mban̄g gə̄ kə́ dɔ gír de gə̄ yā *Israel tə́ alé .

MISE 1:14 Referans Kwoze

JOJUE 15:44

Keila ō, Akjib ō, Maresa ō. Adə̄ ɓē i ndōhó naā tə́ kə ngán ɓē gə̄ kə́ kə gō gidií gə̄.

2 MBAN̄G 16:8

Akaj ɔy lɔ́r ō, arjā̰a̰ ō, kə́ kem kújə yā Kɔ́ɔ̄ɓē tə́ ō, kə́ loo ngɔ̄m̄ nar yā mban̄g tə́ ō, əlań adə̄ mban̄g kə́ Asiri kadə̄ karī tə́.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.