MISE 1:13 - Bibəl ta Sar̄

¹³ Sḭḭ̄ de kə́ Lakis gə̄, ādə̄ sə́nda yāsí gə̄ unən̄ púsə rɔ̄ɔ̄. Sḭḭ̄ ī-raī dɔ ndūsí tə́ alé tītə̄ yā Israel gə̄ ō, de kə́ Jerusalem gə̄ ndájə̄n̄ yá̰a̰ rāāsí kə́ majaĺ gə̄ ō.

Bible sar

¹³ Sḭḭ̄ de kə́ Lakis gə̄, ādə̄ sə́nda yāsí gə̄ unən̄ púsə rɔ̄ɔ̄. Sḭḭ̄ ī-raī dɔ ndūsí tə́ alé tītə̄ yā *Israel gə̄ ō, de kə́ Jerusalem gə̄ ndájə̄n̄ yá̰a̰ rāāsí kə́ majaĺ gə̄ ō.

MISE 1:13 Referans Kwoze

2 MBAN̄G 18:17

Mban̄g kə́ Asiri ndi Lakis ba əla ngol áskar yān gə̄ ō, ngol áskar kə́ bo gə̄ ō, nge kɔsə kílən ō, ɓūtə̄ áskar kə́ ngá̰ý gə̄ sedə́ ō, rɔ̄ mban̄g Ejekias tə́ Jerusalem. Nin̄ reē ugə̄n̄ Jerusalem anī ran̄ kadə bəlo kə́ ndēr̄ kadə̄ man̄ kə́ kem gár̄ kə́ dɔɔ́ tə́ mān̄ tū tə́ ní tə́, dɔ róbə́ kə́ yā kaw̄ń kə̄ kem ndɔr̄ yā ngé rāā kəla kūbə̄ gə̄ tə́.

2 YÁ̰A̰ GƏ̄ 32:9

Gō tə́ sḛ́ý anī Senakerib mban̄g kə́ Asiri ɔy ngé rɔ̄ɔ̄ yān gə̄ malang aw̄ gīrəń ɓē kə́ Lakis. Ni-ndi Lakis noó ba əla ngé kəla yān gə̄ Jerusalem rɔ̄ Ejekias mban̄g kə́ Juda tə́ ō, rɔ̄ de kə́ dəngam gə̄ malang kə́ Juda tə́ ń ndin̄ Jerusalem ní ō, kadə̄ ədan̄də́ na:

JOJUE 10:3

Anī Adoni Sedek mban̄g kə́ Jerusalem əla kəla əda Hoham mban̄g kə́ Hebron ō, Piram mban̄g kə́ Yarmut ō, Yapia mban̄g kə́ Lakis ō, Debir mban̄g kə́ Egəlon ō na:

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ ndū najə̄. Tɔdɔ̄ ɓē ko̰o̰ kə́ Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

EJEKIEL 23:11

Ngōkó̰o̰n kə́ dəyá̰ ń rīn na i Oholiba ní, a̰a̰ yá̰a̰ gə̄ ń noō malang ɓá tā, ba dan ń ngur dəngam rāān ngá̰ý ní, ni-rāā kə́ majaĺ mān̄ yā Ohola ɓáý. Ájə́ba yān ni mān̄ yā ngōkó̰o̰n kə́ dəyá̰ ɓáý.

JEREMI 4:29

Dan ń kōō ngé kal̄ sə́nda gə̄ ō, ngé kur gə̄ra gə̄ ō a ɓār̄ anī, de kə́ kem ɓēé gə̄ malang a̰ȳn̄ naā kɔ̄ɔ́. Udən̄ kem ku kāgə̄ gə̄ tə́ ō, alə̄n̄ dɔ mbal̄ gə̄ tə́ ō, teēn̄ kɔ̄ɔ́ kem ɓē bo gə̄ tə́ malang. De kógə̄ḿ kə́ na̰y kem ɓēé gətóó bátə́.

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

IJAI 37:8

Ngol áskar kə́ dɔ madə̄ gə̄ tə́ ń ni i de kə́ Asiri ní, oō kadə̄ na mban̄g na əya̰ ɓē kə́ Lakis ba na aw̄ kɔ̄ɔ́. Ni-ra a rɔ̄ɔ̄ i ɓē kə́ Libəna. Anī ngol áskar gə̄ ní aw̄ əngen nú.

IJAI 10:31

De kə́ Madəmena gə̄ a a̰ȳn̄ naā, ngé kə́ Gebim gə̄ a sāān̄ i loo kə́ yā ɓɔ̄ɔ̄ń rɔ̄də́.

2 YÁ̰A̰ GƏ̄ 11:9

Adoraim ō, Lakis ō, Ajeka ō,

2 MBAN̄G 8:18

Ni ndájə̄ kəla rāā mban̄g kə́ Israel tə́ gə̄ tītə̄ yā de kə́ gír kojə yā Akab tə́ gə̄, tɔdɔ̄ ni-taā i ngōn̄ Akab. Ni rāā yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

JOJUE 15:39

Lakis ō, Boskat ō, Egəlon ō,

Teē Ngán Israel gə̄ 32:21

Tā anī dəje Aaro̰ na ké gír de gə̄ ń noō rāān i rí seneé áké ndɔ́r̄də́ aw̄ sedə́ kum majaĺ kə́ bo kasə naā beé tə́ wa.

TA KƏLA 19:17

Dan ń teēn̄ sedə́ ndágá oy anī, de kə́ dɔ rā̰ tə́ kógə̄ḿ əda Lot na: Ā̰ȳ ájəń rɔ̄í. Ī-lōō mbel ka̰a̰ loo kə̄ gogə́ ō, ī-lōō dəba kum ndágə mdō tə́ ō, ba ā̰ȳ kum kə̄ mbalá na sōgə́ óy.

2 MBAN̄G 14:19

Oōn̄ naā dɔn tə́ kem ɓē kə́ Jerusalem tə́ adə̄ a̰ȳ aw̄ Lakis. Banī əlan̄ de gə̄ gōn tə́ adə̄ aw̄ tɔ̄l̄nən̄ noó.

IJAI 36:2

Dan ngeé ń noō tə́ ní mban̄g kə́ Asiri ndi i Lakis. Ni-əla ngol áskar yān gə̄ kə́ dɔ madə̄ gə̄ tə́ rɔ̄ Ejekias tə́ Jerusalem kə ɓūtə̄ ngé rɔ̄ɔ̄ gə̄ kə́ ngá̰ý. Ngol áskar gə̄ ní ra kadə bəlo ń ndērə̄n̄ kə ngālāá kadə̄ man̄ kə́ loo kə́ kḭḭ kə̄ dɔɔ́ tə́ mān̄ kemeé ní tə́, dɔ róbə́ kə́ kaw̄ kə̄ ndɔr̄ yā ngé rāā kəla kūbə̄ gə̄ tə́.

Makətūbə̄ yā Job 39:10

Ásə́ rákə̄ kəlā rɔ̄n tə́ yā ndɔrə̄ń ndɔr̄ yāí a? Ni a jɔ̄r̄yɔ̄ nán̄g ta kɔsə gōí tə́ kum wól loo tə́ kə yá̰a̰ jɔ̄r̄yɔ̄ nán̄g ta kɔsə ń rīn na i hérsə ní a?

JEREMI 34:7

i dan ń ɓūtə̄ ngé rɔ̄ɔ̄ gə̄ yā mban̄g kə́ Babilon ənīn̄neé ɓē kə́ Jerusalem rɔ̄ɔ̄ ō, i dan ń ɓē kə́ Juda tə́ gə̄ ń i Lakis ō Ajeka ō rɔ̄ɔ̄n̄neé dɔ rɔ̄də́ tə́ ɓáý ní ō. Tɔdɔ̄ dan ɓē gə̄ kə́ Juda tə́ ní ɓē kə jōó gə̄ ń toō ran̄ ngan̄g ɓáý.