MISE 1:11 - Bibəl ta Sar̄

¹¹ Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

Bible sar

¹¹ Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

MISE 1:11 Referans Kwoze

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

EJEKIEL 23:29

Nin̄ a rāāīn̄ yá̰á̰ kə́ tōr̄ tām̄ nel̄də́ seí aĺ ngá̰ý. Yá̰a̰ malang ń ḭ̄ ə́nge kə ta kūl̄ kəla rāāí ní, nin̄ a ɓogən̄ kɔ̄ɔ́. Nin̄ a əya̰īn̄ gírí karī. Loo ń noō tə́ de gə̄ malang a gerə̄n̄ hálí kə́ to rɔ̄sɔl̄ ń i hál rāā ájə́ba ní.

EJEKIEL 16:37

Tām̄ najə̄ ń toō tə́ ní, ngé sāāí gə̄ malang ń nel̄də́ seí adə̄ i ngé gə̄ ń nelī sedə́ ō, ngé gə̄ ń nelī sedə́ aĺ ō ní, m-ā m-ɔ́sə dɔdə́ naā tə́ malang. M-ā m-ɔ́ýdə́ kə̄ loo gə̄ tə́ malang yā reē sedə́, ba m-ā m-ɔ̄r̄ kūbə̄ rɔ̄í tə́ ta kumdə́ tə́, kadə̄ nin̄ a a̰a̰n̄ rɔ̄í kə́ karī.

JEREMI 48:9

Údiī yá̰á̰ kógə̄ḿ kə́ kadə̄ əgań kem de gə̄ dɔ ɓē kə́ Moab kə́ nujə sák sák kɔ̄ɔ́ tə́. Ɓē yān gə̄ télən̄ loo kə́ to kum ko̰ gə̄. De kə́ kemeé gə̄ gətóon̄ malang kɔ̄ɔ́.

JEREMI 48:6

Āyī naā, ādə̄ náā nəkɔ́ anī njan adə̄n! Sḭḭ̄ ī-tél ī-toī tītə̄ ɓē kə́ Aroer ń ra i kum dəla loo tə́ ní.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

IJAI 16:2

Dəyá̰ kə́ Moab gə̄ i loo gə̄ ń de gə̄ a teēn̄ man̄ Arnon tū tə́ ní tə́. Nin̄ ton̄ i tītə̄ yel̄ gə̄ kə́ a̰ȳn̄ naā beé, yel̄ gə̄ kə́ tə̄ɓān̄də́ kɔ̄ɔ́ kem ɓēdə́ tə́ kadə̄ a̰ȳ aw̄n̄ sa̰y beé.

JOJUE 15:37

Ɓē kə́ rang gə̄ i Senan ō, Hadasa ō, Migədal Gad ō,

JAKARI 14:5

Wól loo kə́ dan mbal̄ gə̄ tə́ ngeé ń toō, ā ī-teēī i tū tə́ n ā ā̰yīnń naā ní. Tɔdɔ̄ wól loo ní a to bátə́ ta kaw̄ kə̄ Asal. Ā ā̰yī naā i tītə̄ ń kaasí gə̄ a̰ȳnəń naā ɓāl̄ yā Ojias mban̄g kə́ Juda tə́, ndɔ̄ ń dɔ nang ndewń tə́ ní. Loo ń noō tə́ Kɔ́ɔ̄ɓē Nə́ɓā yāḿ a reē, naā tə́ kə de kə́ dɔ rā̰ tə́ gə̄ malang ń a rāān̄ kəla yān ní.