MATIYE 3:3 - Bibəl ta Sar̄

³ Ijai nge koō ta ɔr̄ najə̄ yā Ja̰a̰ ngeé ń toō kété əda na: Deē kógə̄ḿ un ndūn kə̄ dɔɔ́ ɔrə̄ń najə̄ kem dəla loo tə́ əda na: Ī-rāāī róbə yā Kɔ́ɔ̄ɓē, ī-rāāī ngáń róbə yān gə̄ ādə̄ ran̄ súmūú.

Bible sar

³ Ijai *nge koō ta ɔr̄ najə̄ yā Ja̰a̰ ngeé ń toō kété əda na: Deē kógə̄ḿ un ndūn kə̄ dɔɔ́ ɔrə̄ń najə̄ kem dəla loo tə́ əda na: Ī-rāāī róbə yā Kɔ́ɔ̄ɓē, ī-rāāī ngáń róbə yān gə̄ ādə̄ ran̄ súmūú.

MATIYE 3:3 Referans Kwoze

IJAI 40:3

De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

JA̰A̰ 1:23

Anī ni-tél ədadə́ na: Mā i ndū nge ń ənī mbēr̄ dəla loo tə́ na kə ī-rāāī róbə yā Kɔ́ɔ̄ɓē kadə̄ ra súmūú, tītə̄ ń Ijai nge koō ta ədań ní.

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

Najə̄ kə́ Majə yā Jeju ń Luk ndang ní 1:17

Ni a njə̄rā kété no Nə́ɓā tə́ kə Ndíl yā Nə́ɓā kə́ tɔ́gən i ngá̰ý ń Eli nge koō ta a rāań yá̰á̰ kété ní ō, a tūr̄ kem bɔbə̄ ngán gə̄ kə̄ rɔ̄ ngáńdə́ gə̄ tə́ ō, a rāā kadə̄ ngé mbātə́ najə̄ ta Nə́ɓā tə́ gə̄ gírə̄n̄ yá̰á̰ ń de kə́ súmūú gə̄ a gírə̄n̄ ní ō, yā kadə̄ ngán Israel gə̄ ngá̰ý əndān̄neé dɔ rɔ̄də́ danaá tām̄ yā Kɔ́ɔ̄ɓē tə́.

MARK 1:3

Ndū deē kógə̄ḿ ɓār̄ kem dəla loo tə́ əda na: Ī-rāāī gō róbə yā Kɔ́ɔ̄ɓē əndāniī ō, ī-rāāī róbə yān gə̄ adə̄ ran̄ súmūú ō.