MATIYE 11:3 - Bibəl ta Sar̄

³ Anī əla ngé ndóō yá̰a̰ yān gə̄ rɔ̄n tə́ kadə̄ aw̄ dəjenən̄ na ké ni n i nge ń kadə̄ reē ní aké kə n-ngóōn̄ i de kə́ rang ɓáý wa.

Bible sar

³ Anī əla ngé ndóō yá̰a̰ yān gə̄ rɔ̄n tə́ kadə̄ aw̄ dəjenən̄ na ké ni n i nge ń kadə̄ reē ní aké kə n-ngóōn̄ i de kə́ rang ɓáý wa.

MATIYE 11:3 Referans Kwoze

JA̰A̰ 11:27

Martə tél ədan na: A̰ýyē, Kɔ́ɔ̄ɓē, m̄-taā kem kadə̄ ḭ̄ i Kərist ō, Ngōn̄ Nə́ɓā ń kadə̄ reē dɔ nang tə́ ní ō.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

HEBƏRO 10:37

Tɔdɔ̄ makətūbə̄ yā Nə́ɓā əda na: Na̰y kum mbang sḛ́ý ɓáý, na̰y sḛ́ý beē ngóy, anī nge ń sɔɔ̄ kadə̄ reē ní a reē. Na a ɔr bā̰ā̰ alé.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JA̰A̰ 7:31

De gə̄ ngá̰ý dan kósə de gə̄ tə́ taān̄ kemən, adə̄ ədan̄ na: Kərist ní, loo ń a reē anī, a rāā yá̰á̰ kə́ yáā gə̄ ngá̰ý tɔȳ yā deē ń toō a?

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

JA̰A̰ 16:14

Ni a ɔsə gɔnəḿ, tɔdɔ̄ a taā dām̄ yá̰a̰ yāḿ yā kədasí.

JA̰A̰ 12:13

oōn̄ kadə̄ Jeju na a reē kə̄ Jerusalem. Anī ɔyn̄ ta jī túmbur gə̄, ba aw̄ tə́nīn̄ tan. Nin̄-əgan̄ kɔŕ ədan̄ na: Kɔsə gɔn i yā Nə́ɓā! Ādə̄ Nə́ɓā rāā majə kə nge ń a reē kə rī Kɔ́ɔ̄ɓēé ní! Ādə̄ Nə́ɓā rāā majə kə mban̄g kə Israel!

JA̰A̰ 4:21

Jeju ədan na: Dəyá̰, ī-taā kemḿ, ndɔ̄ a reē noó kadə̄ ā ī-rɔyī i dɔ mbal̄ ń toō tə́ aĺ ō, i Jerusalem aĺ ō.

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

MARK 11:9

Ngé gə̄ ń njə̄rān̄ kété no Jeju tə́ ō, ngé gə̄ ń unən̄ gōn ō ní, əgan̄ kɔŕ ədan̄ na: Kɔsə gɔn i yā Nə́ɓā! Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní!

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

MATIYE 21:5

Ədaī ngōmandə kə́ Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

Makətūbə̄ yā Aje 2:7

Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

ABƏDIAS 1:21

Nin̄ a tetən̄ rɔ̄ɔ̄ ō, a alə̄n̄ dɔ mbal̄ Siyo̰ tə́ ō. Nin̄ a ndin̄ i loo ń noō tə́ n a o̰ō̰n̄neé ɓē dɔ ɓē kə́ Edom tə́ ní. Kɔ́ɔ̄ɓē a ndi mban̄g!

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

PĀ GƏ̄ 118:26

Ādə̄ Nə́ɓā rāā majə kə deē ń a udə laā kə rī Kɔ́ɔ̄ɓēé ní! Jə-ndi kem kújə yā Kɔ́ɔ̄ɓē tə́, jə-tɔ́rəń tají dɔsí tə́.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

MATIYE 11:4

Anī Jeju tél ədadə́ na: Yá̰a̰ gə̄ ń ōōī ō á̰a̰ī ō ní, ī-tél āw̄ ɔ́jiī Ja̰a̰ gotə:

MATIYE 11:10

I ni n ndangən̄ najə̄ ń toō ɔjənə̄ń dɔn ní: Á̰a̰ā̰, m-ā m-ə́la nge kəla yāḿ kété noí tə́ kadə̄ aw̄ rāā gō róbə yāí.