MATIYE 10:3 - Bibəl ta Sar̄

³ Pilipə nin̄ kə Bartelemi ō, Toma nin̄ kə Matiye nge taā lambóo ō, Jakə kə́ ngōn̄ Alpe nin̄ kə Tade ō,

Bible sar

³ Pilipə nin̄ kə Bartelemi ō, Toma nin̄ kə Matiye nge taā lambóo ō, Jakə kə́ ngōn̄ Alpe nin̄ kə Tade ō,

MATIYE 10:3 Referans Kwoze

KƏLA RĀĀ 1:13

Dan ń ugə̄n̄ Jerusalem anī, aw̄n̄ kem kújə́ kə́ dɔɔ́ ń a ndin̄ tū tə́ dejə ní tə́. Ngámbang kəla gə̄ ń əngen̄ naā kem kújə́ kə́ dɔɔ́ ngeé ń noō tə́ ní i Piyer ō, Ja̰a̰ ō, Jakə ō, Andəre ō, Pilipə ō, Toma ō, Bartelemi ō, Matiye ō, Jakə kə́ ngōn̄ Alpe ō, Simo̰ nge rɔ̄ɔ̄ dɔ ɓē tə́ ō, Jud kə́ ngōn̄ Jakə ō.

MARK 3:18

Andəre ō, Pilipə ō, Bartelemi ō, Matiye ō, Toma ō, Jakə kə́ ngōn̄ Alpe ō, Tade ō, Simo̰ ń a ɓār̄nən̄ na i nge rɔ̄ɔ̄ dɔ ɓē tə́ ní ō,

MARK 2:14

Dan ń ni a mān̄ róbó anī, a̰a̰ Lebi ngōn̄ Alpe, ndi loo taā lambóó tə́, anī ədan na kə un gōn. Loo ń noō tə́ Lebi ḭḭ un gōn.

MATIYE 9:9

Jeju ḭḭ loo ń noō tə́ aw̄, ba dan ń a mān̄ anī a̰a̰ deē kógə̄ḿ ndi loo taā lambóó tə́, rī deē ní na i Matiye. Ni ədan na: Ún gōḿ! Anī deē ní ḭḭ dɔɔ́ ba un gō Jeju.

JA̰A̰ 21:2

Simo̰ Piyer ō, Toma ń a ɓāŕnən̄ na i ndəngā ní ō, Natanayel kə́ Kana gō nang kə́ Galile tə́ ō, ngán Jebede gə̄ ō, ngé ndóō yá̰á̰ kə́rēý gə̄ jōó ō, ndin̄ naā tə́ loo kógə̄ḿ.

JA̰A̰ 11:16

Anī Toma ń a ɓāŕnən̄ na i ndəngā ní, əda ngé ndóō yá̰a̰ madə̄n gə̄ na: J-awī ba j-oyī seneé.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

GALATƏ 1:19

M-á̰a̰ ngōmbang kəla kə́ rang kógə̄ḿ alé, ba i Jakə kə́ ngōkó̰ó̰ Kɔ́ɔ̄ɓē ngóy.

KƏLA RĀĀ 21:18

Teē kə ndɔ̄ kə́ noō anī Pol aw̄ sejí ɓē Jakə loo ń kum kɔɔ̄ gə̄ malang kánə̄n̄ naā tū tə́ ní tə́.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

Najə̄ kə́ Majə yā Jeju ń Luk ndang ní 5:27

Gō tə́ ɓáa Jeju teē ndágá, anī ni-a̰a̰ nge taā lambóó kógə̄ḿ kə́ rīn na i Lebi ndi loo taā lambóó tə́. Ni ədan na: Ún gōḿ.

KƏLA RĀĀ 15:13

Dan ń nin̄-ɔrə̄n̄ najə̄ oy anī Jakə əda na: Ngákó̰ó̰ḿ gə̄, ōōī najə̄ yāḿ!

JA̰A̰ 14:22

Jud ń i Judas Iskariot aĺ ní ədan na: Kɔ́ɔ̄ɓē, i tām̄ rí tə́ á ā ɔ́jə́jí jḭḭ rɔ̄í, ba ā ɔ́jə de kə́ dɔ nang tə́ gə̄ rɔ̄í aĺ ní?

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

MATIYE 27:56

Mari kə́ Magədala ō, Mari kó̰o̰ Jakə nin̄ kə Jəjep ō, kó̰ó̰ ngán Jebede gə̄ ō, nin̄ i dan dəyá̰ gə̄ ní tə́.

MATIYE 18:17

Ré ni-ɔdə koō najə̄ yādə́ aĺ anī, ə́da Egəlijə. Ba ré ni-mbātə́ koō najə̄ yā Egəlijə to̰ anī, ī-rāān de kə́ nge taā kem tə́ aĺ ō, ī-rāān̄ de kə́ nge taā lambóó tə́ ō.

MARK 15:40

Dəyá̰ kə́rēý gə̄ ran̄ dan sa̰y sḛ́ý a a̰a̰n̄neé loo. Mari kə́ Magədala ō, Mari kó̰o̰ Jakə kə́ dūú ō, Jose ō, Salome ō, i dan dəyá̰ gə̄ ní tə́.

Najə̄ kə́ Majə yā Jeju ń Luk ndang ní 18:10

De gə̄ jōó aw̄n̄ kem kújə yā Kɔ́ɔ̄ɓē tə́ yā ndɔ̄ȳ. Nge kə́ kógə̄ḿ i Parijiyḛ ō, nge kə́ noō i nge taā lambóo ō.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

Najə̄ kə́ Majə yā Jeju ń Luk ndang ní 19:2

Anī dəngam kógə̄ḿ kə́ rīn na i Jase i noó ō. Ni i ngol ngé taā lambóo gə̄ ō, i de kə́ ənge yá̰á̰ ngá̰ý ō.

JA̰A̰ 1:48

Anī Natanayel dəjen na: Ī-gerə̄m̄ i loo kə́ rá tə́? Anī Jeju tél ədan na: Kété pá tá kadə̄ Pilipə ɓāríī dan ń ī-ndiń gíŕ kótōó ɓáý ní, mā m-á̰a̰ī kɔ̄ɔ́.

JA̰A̰ 14:5

Toma ədan na: Kɔ́ɔ̄ɓē, jə-ger̄ loo ń ā āw̄ kə̄ tū tə́ ní, alé ní loo kadə̄ jə-ger̄ róbən i ba̰ý?