MARK 9:9 - Bibəl ta Sar̄

⁹ Dan ń a risən̄ dɔ mbalá kə̄ nang tə́ anī, Jeju ɔgə̄də́ kəda deē kógə̄ḿ gotə yá̰á̰ ń a̰a̰n̄ ní, bátə́ kadə̄ Ngōn̄ Deē ndól̄ dan de kə́ koy gə̄ tə́ tá.

Bible sar

⁹ Dan ń a risən̄ dɔ mbalá kə̄ nang tə́ anī, Jeju ɔgə̄də́ kəda deē kógə̄ḿ gotə yá̰á̰ ń a̰a̰n̄ ní, bátə́ kadə̄ Ngōn̄ Deē ndól̄ dan de kə́ koy gə̄ tə́ tá.

MARK 9:9 Referans Kwoze

MARK 5:43

Jeju tāādə́ ngá̰ý kadə̄ deē kógə̄ḿ kə ger̄ gō yá̰á̰ ní alé. Ba ni-ədadə́ na kə adə̄n̄ ngōn̄ kə́ dəyá̰ ní yá̰a̰ kadə̄ əsa.

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

Najə̄ kə́ Majə yā Jeju ń Luk ndang ní 24:46

ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

MATIYE 27:63

Kɔ́ɔ̄ɓē gə̄, əga kemjí dɔ najə̄ kógə̄ḿ kə́ nge gól̄ de gə̄ ngeé ń toō əda tə́, dan ń ni-ndiń kə kumneé ɓáý tə́ ní. Ni-əda na: Ndɔ̄ mətá gō tə́ ɓáa n-a n-ndól̄.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

MATIYE 12:19

Ni a kɔ̄l̄ kə deé aĺ ō, a əga kɔŕ aĺ ō. Deē a oō ndūn ndágə loo gə̄ tə́ aĺ ō.

MATIYE 8:4

Jeju ədan na: Ī-lōō kəda deé kógə̄ḿ gotə yá̰á̰ ń toō, ba āw̄ ɔ́jə nge tun̄ yá̰a̰ rɔ̄í, ba ī-ndējə̄ yá̰a̰ kə gō ndū ń Moijə əda ní, kadə̄ kumdə́ teē dɔ tə́.

MARK 7:36

Jeju tāādə́ ngá̰ý kadə̄ ədan̄ deē kógə̄ḿ gotə yá̰á̰ ní alé. Ba dan ń ni tāādə́ ngá̰ý anī, nin̄-ənīn̄ mbēr̄ ngá̰ý dɔ tə́.

MARK 9:8

Kə̄ ta jī tə́ noō ngé ndóō yá̰a̰ yān gə̄ go̰ō̰n̄ loo anī, a̰a̰n̄ de kə́ rang to̰ alé, banī i Jeju kə kérneé ngóy n i sedə́ ní.

MARK 9:10

Nin̄-ngɔ̄mə̄n̄ najə̄ ní, ba dəjen̄ naā dɔ dáńdə́ tə́ na najə̄ ń na n-a n-oy tá n-a n-ndól̄ dan de kə́ koy gə̄ tə́ ní ké kumən na i rí wa.

Najə̄ kə́ Majə yā Jeju ń Luk ndang ní 9:36

Dan ń deē ní ɔr̄ najə̄ oy anī i Jeju ngóy n ra kə kérneé ní. Dan ngeé ń noō tə́ ní ngé ndóō yá̰a̰ gə̄ teēn̄ tadə́ mḛḛ dɔ yá̰a̰ gə̄ ń a̰a̰n̄ tə́ ní alé.