MARK 9:7 - Bibəl ta Sar̄

⁷ Tā anī kil̄ man̄ kógə̄ḿ teē, ra ndíĺ tə́ dɔdə́ tə́, nin̄-oōn̄ ndū deē kógə̄ḿ teē dan kil̄ man̄ ní tə́, a əda na: Nge ń toō i Ngōn̄ kó tár yāḿ. Ōōī najə̄ yān.

Bible sar

⁷ Tā anī kil̄ man̄ kógə̄ḿ teē, ra ndíĺ tə́ dɔdə́ tə́, nin̄-oōn̄ ndū deē kógə̄ḿ teē dan kil̄ man̄ ní tə́, a əda na: Nge ń toō i Ngōn̄ kó tár yāḿ. Ōōī najə̄ yān.

MARK 9:7 Referans Kwoze

2 PIYER 1:17

Bɔbə̄n Nə́ɓā rɔȳn ō, ɔsə gɔnən ō. Ni rāā nge ń noō i dan ń Nə́ɓā a ndə́leń ndə́lē kə́ majə ngá̰ý tə́ ní. Dan ngeé ń noō tə́ ní, ndū deē kógə̄ḿ teē tū ndə́lē ń Nə́ɓā a ndə́lē tə́ ní ɔr̄ najə̄ əda na: Nge ń toō i Ngōn̄ kó tár yāḿ kə́ nelə̄m̄ seneé ngá̰ý.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

MARK 1:11

Loo ń noō tə́, ndū deē kógə̄ḿ ɓār̄ dɔ rā̰ tə́, əda na: Ḭ̄ i Ngōn̄ kó tár yāḿ ń nelə̄m̄ seí ngá̰ý ní.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

KƏLA RĀĀ 7:37

I Moijə ngeé ɓáý to̰ n əda ngán Israel gə̄ najə̄ ń toō ní, ni-ədadə́ na: Nə́ɓā a teē kə nge koō ta kógə̄ḿ kə́ tītə̄ḿ beē dan ngákó̰ó̰sí gə̄ tə́ yā kadə̄sí.

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

JA̰A̰ 9:35

Jeju oō kadə̄ tə̄ɓānən̄ ndágá kɔ̄ɔ́. Anī reē əngen ba dəjen na ké ni-taā kem Ngōn̄ Deē wa.

JA̰A̰ 5:37

Ba Bɔbə́ḿ ń əlam̄ ní, nəkɔ́ ɔr̄ najə̄ kə́ kum tə́ yāḿ. Sḭḭ̄ ōōī ndūn yḛtə aĺ ō, á̰a̰ī ta kumən aĺ ō,

JA̰A̰ 5:18

I tām̄ najə̄ ń noō tə́ n Jipə gə̄ sāān̄ tɔ̄lə̄n tɔȳ kə́ kété ɓáý ní. I tām̄ mān̄ ń ni-mān̄ dɔ ndū najə̄ yā ndɔ̄ sabat tə́ ní ngóy alé, banī i tām̄ kəda ń ni-əda na Nə́ɓā i Bɔbə̄n nəkɔ́ mámák ní ō, rāā ń ni-rāā rɔ̄n i de kə́ asən̄ naā kə Nə́ɓāá tə́ ní ō.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

MATIYE 27:43

Ni-əndā kemən dɔ Nə́ɓā tə́ mámák adə̄ əda na ni na i Ngōn̄ Nə́ɓā ní, ré Nə́ɓā tárən anī, ādə̄ taān jī yo tə́ kə́ ngɔr ń toō tə́.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

Teē Ngán Israel gə̄ 24:16

Kɔsə gɔn yā Kɔ́ɔ̄ɓē taā dɔ mbal̄ Sinai ō, kil̄ man̄ utə̄ dɔ ndɔ̄ mehḛ́ ō. Kə ndɔ̄ kə́ nge ko̰ sīrí anī, Kɔ́ɔ̄ɓē ɓāŕ Moijə dan kil̄ man̄ tə́.

MARK 9:6

Ni-əda beé i tɔdɔ̄ ɓōĺ asədə́ nák adə̄ ni-ger̄ najə̄ kə́ yā kədan alé.

MARK 9:8

Kə̄ ta jī tə́ noō ngé ndóō yá̰a̰ yān gə̄ go̰ō̰n̄ loo anī, a̰a̰n̄ de kə́ rang to̰ alé, banī i Jeju kə kérneé ngóy n i sedə́ ní.

Najə̄ kə́ Majə yā Jeju ń Luk ndang ní 3:22

adə̄ Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.