MARK 9:47 - Bibəl ta Sar̄

⁴⁷ Ba ré kumií a rāāī kadə̄ ə̄sō anī, ɔ̄rə̄n kɔ̄ɔ́. I só tə́ kadə̄ údə kə kumií kə́ kógə̄ḿ beē kem Ɓē ko̰o̰ yā Nə́ɓā tə́, tɔȳ kadə̄ ənīnī kə kumií kə́ jōó gə̄ kum hor Gehen tə́,

Bible sar

⁴⁷ Ba ré kumií a rāāī kadə̄ ə̄sō anī, ɔ̄rə̄n kɔ̄ɔ́. I só tə́ kadə̄ údə kə kumií kə́ kógə̄ḿ beē kem *Ɓē ko̰o̰ yā Nə́ɓā tə́, tɔȳ kadə̄ ənīnī kə kumií kə́ jōó gə̄ kum hor Gehen tə́,

MARK 9:47 Referans Kwoze

MATIYE 18:9

Ba ré i kumií n a rāāī kadə̄ ə̄sō anī, ɔ̄r̄ ə̄nīn sa̰y rɔ̄í tə́ kɔ̄ɔ́. I só tə́ kadə̄ údə tū kajə tə́ kə kumií kə́ kógə̄ḿ beē, tɔȳ kadə̄ ənīnī kə kumií kə́ jōó gə̄ kum hor Gehen tə́.

MARK 9:43

Ré jīí a rāāī kadə̄ ə̄sō anī, ī-gāngə̄n kɔ̄ɔ́. I só tə́ kadə̄ údə kem loo kə́ ndi kə kumuú i tū tə́ kanjə̄ jīí kógə̄ḿ, tɔȳ kadə̄ ənīnī kə jīí kə́ jōó gə̄ kum hor Gehen tə́.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

GALATƏ 4:15

Dan ngeé ń noō tə́ ní, rɔ̄sí nel̄sí ngá̰ý. Ba ngɔlaā ní, ta rɔ̄nel̄ yāsí ní tḭ̄ḭ̄ i rá? M-ə́dásí najə̄ kə́ rɔ̄kum, dan ngeé ń noō tə́ ní, ré ásiī i kɔr̄ kumsí kadə̄m̄ anī, ā ɔ̄rī.

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

PĀ GƏ̄ 119:37

Ún kumḿ kɔ̄ɔ́ ta yá̰á̰ gól̄ tə́ ō, ɔ́jəm̄ ta róbə yāí tá kadə̄ m̄-ndi kə kumḿ gogə́ ō.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

MARK 9:46

loo ń kəde a oy tū tə́ aĺ ō, hor a oy tū tə́ aĺ ō ní tə́.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.