MARK 9:42 - Bibəl ta Sar̄

⁴² Ba deē ń a rāā kadə̄ nge kógə̄ḿ kə́ dan de kə́ dūú gə̄ ń toō ń taān̄ kemḿ tə́ ní əsō ní, kə́ só tə́ ngá̰ý tām̄ yān tə́ i kadə̄ do̰ō̰n̄ mbal̄ kusə yá̰á̰ kə́ bo kɔ́ɔn tə́, ba kadə̄ ənīnən̄ kum bā bo tə́ kɔ̄ɔ́.

Bible sar

⁴² Ba deē ń a rāā kadə̄ nge kógə̄ḿ kə́ dan de kə́ dūú gə̄ ń toō ń taān̄ kemḿ tə́ ní əsō ní, kə́ só tə́ ngá̰ý tām̄ yān tə́ i kadə̄ do̰ō̰n̄ mbal̄ kusə yá̰á̰ kə́ bo kɔ́ɔn tə́, ba kadə̄ ənīnən̄ kum bā bo tə́ kɔ̄ɔ́.

MARK 9:42 Referans Kwoze

MATIYE 18:6

Deē ń rāā ngōn̄ kógə̄ḿ kə́ dan ngáń gə̄ ń taān̄ kemḿ tə́ ní adə̄ əsō ní, kə́ só tə́ ngá̰ý tām̄ yā kɔ́ɔ̄ tə́ i kadə̄ do̰ō̰n̄ mbal̄ kusə yá̰á̰ kə́ bo kɔ́ɔn tə́ ba ənīnən̄ kum bā bo tə́.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

2 KORḚNTƏ 6:3

Jə-sāā kadə̄ deē əda najə̄ kə́ majaĺ dɔ kəla rāājí tə́ alé. I tām̄ najə̄ ń noō tə́ n jə-sāań rāā yá̰á̰ kə́ kadə̄ deē əngeń ta róbə kəda najə̄ kə́ majaĺ aĺ ní.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

2 PIYER 2:2

Ba de gə̄ ngá̰ý a unən̄ gōdə́ loo rāā háĺ kə́ majaĺ gə̄ tə́ ō, de gə̄ tə́dan̄ najə̄ dɔ gō róbə yā najə̄ kə́ rɔ̄kum tə́ sɔɔ̄ń yá̰a̰ rāādə́ ō.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

Makətūbə̄ ń Pol ndang adə̄ Rom gə̄ ní 15:21

Tītə̄ ń toō ní, mā m̄-rāā i kə gō loo ń makətūbə̄ ɔjəń ní. Makətūbə̄ əda na: Ngé gə̄ ń ənīn̄ mbērən adə̄n̄də́ aĺ ɓáý ní, a a̰a̰nən̄ ō, ngé gə̄ ń oōn̄ najə̄ yān kété aĺ ɓáý ní a gerə̄n̄ kum ō.

MATIYE 17:27

Ba kadə̄ de gə̄ n noō əsōn̄neé sɔɔ̄ńjí aĺ ní, āw̄ ta bā bo tə́ ə̄nī kuȳ. Kānjə̄ kə́ ta kəga dɔ ń a un kuȳ ní ə́hɔn ba ī-teē tan, ā ə́ngé njáŕ sə́lē arjā̰a̰ kə kum madə̄ jōó tan tə́. Ɔ̄r̄, ba āwń ādə̄də́ tām̄ yāḿ tə́ ō, tām̄ yāí tə́ ō.