MARK 9:41 - Bibəl ta Sar̄

⁴¹ Tām̄ náā nəkɔ́ ń a adə̄sí man̄ kem kɔ̄yɔ́ kadə̄ ā̰yī tām̄ sḭḭ̄ i yā Kərist gə̄ ní, ādə̄ m-ə́dásí najə̄ kə́ bo ngá̰ý, a nal̄ yá̰a̰ kəndā nja yān aĺ bátə́.

Bible sar

⁴¹ Tām̄ náā nəkɔ́ ń a adə̄sí man̄ kem kɔ̄yɔ́ kadə̄ ā̰yī tām̄ sḭḭ̄ i yā *Kərist gə̄ ní, ādə̄ m-ə́dásí najə̄ kə́ bo ngá̰ý, a nal̄ yá̰a̰ kəndā nja yān aĺ bátə́.

MARK 9:41 Referans Kwoze

MATIYE 10:42

Ādə̄ m-ə́dásí najə̄ kə́ bo ngá̰ý, náā nəkɔ́ ń a adə̄ de kə́ dūú kógə̄ḿ kə́ dan ngé gə̄ ń toó tə́ man̄ kə́ sɔl̄ kem kɔ̄yɔ́ kadə̄ a̰ȳ tām̄ i nge ndóō yá̰a̰ yāḿ ní, kɔ́ɔ̄ a nal̄ yá̰á̰ kəndā nja yān aĺ bátə́.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

2 KORḚNTƏ 10:7

Sḭḭ̄ ā á̰a̰ī i gidə yá̰á̰ kə́ ndágá! Adə̄ ré de kə́rēý gír̄ kemən tə́ kadə̄ ni i deē yā Kərist anī, ādə̄ kɔ́ɔ̄ tél gír̄ rang ɓáý to̰ na ré ni i yā Kərist anī, jḭḭ i yān ō.

1 KORḚNTƏ 15:23

Banī nin̄ a ndólə̄n̄ i kə gō naá: Kərist i kə́ kété yādə́ malang. Kutə gō anī i deē yān gə̄, ndɔ̄ ń ni a tél yā reēń tə́ ní.

Makətūbə̄ ń Pol ndang adə̄ Rom gə̄ ní 14:15

Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

1 KORḚNTƏ 3:23

ba sḭḭ̄ i yā Kərist ō, Kərist i yā Nə́ɓā ō.

MARK 4:10

Loo ń kósə de gə̄ əya̰n̄ Jeju anī, ngé gə̄ ń gīrə̄n̄ gidən ní ō, ngé kə́ kutə gidə i jōó gə̄ ō,