MARK 9:35 - Bibəl ta Sar̄

³⁵ Anī Jeju ndi nang tə́ ō, ɓāŕ ngé kə́ kutə gidə i jōó gə̄ ō, ba ədadə́ na: Ré deē kógə̄ḿ gḛy kadə̄ ni i de kə́ kété no de gə̄ tə́ anī, ni a tél de kə́ ta ngóy de gə̄ tə́ malang ō, nge kəla yā de gə̄ malang ō.

Bible sar

³⁵ Anī Jeju ndi nang tə́ ō, ɓāŕ ngé kə́ kutə gidə i jōó gə̄ ō, ba ədadə́ na: Ré deē kógə̄ḿ gḛy kadə̄ ni i de kə́ kété no de gə̄ tə́ anī, ni a tél de kə́ ta ngóy de gə̄ tə́ malang ō, nge kəla yā de gə̄ malang ō.

MARK 9:35 Referans Kwoze

Najə̄ kə́ Majə yā Jeju ń Luk ndang ní 22:26

Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

MATIYE 23:11

Deē ń i kə́ bo ngá̰ý dansí tə́ ní a tél nge kəla yāsí.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

JEREMI 45:5

Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

MARK 9:36

Ni un ngōn̄ kógə̄ḿ kə́ dūú, əndān dɔ dáńdə́ tə́ ō, ɓirə̄n kə̄ rɔ̄n tə́ ō, ba ədadə́ na: