MARK 9:33 - Bibəl ta Sar̄

³³ Nin̄-ugə̄n̄ Kapernaum, ba dan ń Jeju ndi kújú anī, dəjedə́ na ké nējə̄n̄ naā najə̄ i dɔ rí tə́ róbó wa.

Bible sar

³³ Nin̄-ugə̄n̄ Kapernaum, ba dan ń Jeju ndi kújú anī, dəjedə́ na ké nējə̄n̄ naā najə̄ i dɔ rí tə́ róbó wa.

MARK 9:33 Referans Kwoze

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

MARK 2:8

Kə̄ ta jī tə́ beé Jeju ger̄ yá̰á̰ ń nin̄-gírə̄n̄ kemdə́ tə́ ní, adə̄ ədadə́ na: I tām̄ rí tə́ á ī-gírī yá̰a̰ gə̄ ń toō kemsí tə́ beé?

MATIYE 17:24

Dan ń Jeju nin̄ kə ngé ndóō yá̰a̰ yān gēé ugə̄n̄ Kapernaum anī, ngé taā lambóó kə́ tām̄ yā kújə yā Kɔ́ɔ̄ɓē tə́ gə̄ reēn̄ rɔ̄ Piyer tə́, ba dəjenən̄ na ké ngoldə́ ní ké a adə̄ lambóó kə́ tām̄ yā kújə yā Kɔ́ɔ̄ɓē tə́, aké a adə̄ aĺ wa?

MARK 3:19

Judas Iskariot ń əla Jeju jī de gə̄ tə́ ní ō.