MARK 9:25 - Bibəl ta Sar̄

²⁵ Dan ń Jeju a̰a̰ kósə de gə̄ ń a reēn̄ kə ngɔ̄dɔ̄ɔ́ yā kán̄ naā ní anī, əda ndíĺ kə́ yḛr ngeé ń toō najə̄ kə ngangāá, əda na: Ḭ̄ ndíĺ kə́ nge rāā de gə̄ kadə̄ ɔrə̄n̄ najə̄ aĺ ō, oōn̄ najə̄ aĺ ō, m-ə́daī wáńg, ī-teē kemən tə́ kɔ̄ɔ́, ba údə gogə́ to̰ alé.

Bible sar

²⁵ Dan ń Jeju a̰a̰ kósə de gə̄ ń a reēn̄ kə ngɔ̄dɔ̄ɔ́ yā kán̄ naā ní anī, əda ndíĺ kə́ yḛr ngeé ń toō najə̄ kə ngangāá, əda na: Ḭ̄ ndíĺ kə́ nge rāā de gə̄ kadə̄ ɔrə̄n̄ najə̄ aĺ ō, oōn̄ najə̄ aĺ ō, m-ə́daī wáńg, ī-teē kemən tə́ kɔ̄ɔ́, ba údə gogə́ to̰ alé.

MARK 9:25 Referans Kwoze

KƏLA RĀĀ 16:18

Ni-rāā yá̰á̰ ní ndɔ̄ ngá̰ý. Ta tɔ̄l̄ ta anī wōn̄g rāā Pol ngá̰ý, adə̄ ni-tūr̄ rɔ̄n ba əda ndíĺ ní kə tɔ́gɔ́ na: Ī-teē kem dəyá̰ ń toō tə́ kɔ̄ɔ́ kə rī Jeju Kərist! Anī ndíĺ ní teē kɔ̄ɔ́ kem dəyá̰ ní tə́ kə̄ ta jī tə́ noō.

Najə̄ kə́ Majə yā Jeju ń Luk ndang ní 9:42

Ngōn̄ a reē kə̄ rɔ̄n tə́ ɓáý anī ndíĺ kə́ yḛr ní un ənīn nang tə́ tul ō, rāān adə̄ dā̰n ndām̄ ngangan ō. Banī Jeju ndán̄g ndíĺ kə́ yḛr ní ba rāā adə̄ ngōn̄ ní adə̄ rɔ̄n ngan̄g ō, tél adə̄n kə bɔbə̄neé gogə́ ō.

MARK 9:15

Kə̄ ta jī tə́ noō, loo ń kósə de gə̄ a̰a̰n̄ Jeju ní anī, ɔr̄ kumdə́ malang, ba nin̄-ndɔ́tə̄n̄ kə̄ rɔ̄n tə́, rāānən̄ lápə́ya.

MATIYE 17:18

Jeju ndán̄g ndíl kə majaĺ ní, adə̄ teē kem ngōn̄ ní tə́ kɔ̄ɔ́. Anī rɔ̄ ngōn̄ ní ngáā kə̄ tajī tə́ noō.

Makətūbə̄ ń Jud ndang ní 1:9

Yá̰á̰ ń nin̄-rāān̄ ní, Mikael ń i ngol de kə́ dɔ rā̰ tə́ gə̄ kə dɔneé ní gə̄gē rāā beé alé. Tɔdɔ̄ dan ń Mikael mbātə́ najə̄ gō diabəl tə́ adə̄ tɔ́tə̄n̄ naā dɔ nīń Moijə tə́ ní, ni-gān̄g sarya tájəń nge gól̄ loo gə̄ alé. Najə̄ ń ni ədan ní n toó ngóy: Kadə̄ Kɔ́ɔ̄ɓē əndaī tām̄ yā yá̰a̰ rāāí kə́ majaĺ tə́!

Najə̄ kə́ Majə yā Jeju ń Luk ndang ní 11:14

Ndɔ̄ kógə̄ḿ tə́ Jeju tə̄ɓā ndíĺ kə́ majaĺ kə́ nge kɔgə̄ de gə̄ kɔr̄ najə̄ gə̄ adə̄ teē kɔ̄ɔ́ kem deē kógə̄ḿ kə́ a ɔr̄ najə̄ aĺ tə́. Dan ń ndíĺ ní teē anī de kə́ nge kɔr̄ najə̄ aĺ ní tél a ɔr̄ najə̄, adə̄ ɔr kum kósə de gə̄ ngá̰ý.

Najə̄ kə́ Majə yā Jeju ń Luk ndang ní 8:29

Ni-əda tītə̄ ń noō i tɔdɔ̄ Jeju əda ndíĺ kə́ yḛr ní na kə teē kɔ̄ɔ́ kem deē ní tə́. Ndíĺ kə́ yḛr ní rāā deē ní nja i ngá̰ý, adə̄ kété ní a do̰ō̰n̄ jīn i kə súlú ō, a ənīn̄ i kángə́lá njan tə́ ō n a ngɔ̄m̄nən̄neé ní. Banī ni-gán̄g súĺ ní kɔ̄ɔ́ ō, ndíĺ kə́ majaĺ ní a aw̄ seneé i kem dəla loo tə́ ō.

Najə̄ kə́ Majə yā Jeju ń Luk ndang ní 4:41

Ndíĺ kə́ majaĺ gə̄ téēn̄ kem kósə́ ngé mo̰y kə́rēý gə̄ tə́ kə kɔrɔ́ tadə́ tə́. Nin̄-ədan̄ na: Ḭ̄ i ngōn̄ Nə́ɓā! Banī Jeju ndán̄gdə́ ɔgə̄də́ kɔr̄ najə̄, tɔdɔ̄ nin̄-gerə̄n̄ kadə̄ ni i Kərist.

Najə̄ kə́ Majə yā Jeju ń Luk ndang ní 4:35

Jeju ndán̄g ndíĺ kə́ majaĺ ní ba ədan na kə utə̄ tan ō, kə teē kɔ̄ɔ́ kem deē ń noō tə́ ō. Anī ndíĺ kə́ majaĺ ní ənī deē ní nang tə́ ta kum de gə̄ tə́ malang ba teē kemən tə́ kɔ̄ɔ́ kanjə̄ rāā yá̰á̰ kógə̄ḿ kə́ majaĺ seneé.

JAKARI 3:2

De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?

MATIYE 12:22

Anī reēn̄ kə deē kógə̄ḿ rɔ̄ Jeju tə́. Deē ní a̰a̰ loo aĺ ō, ɔr̄ najə̄ aĺ ō, tɔdɔ̄ ndíĺ kə́ majaĺ i kemən tə́. Jeju rāā adə̄ rɔ̄ deē ní ngáā, adə̄ deē ní ɔr̄ najə̄ ō, a̰a̰ loo ō.

MARK 9:24

Kə̄ ta jī tə́ noō bɔbə̄ ngōn̄ əda na: m̄-taā kem, ba ī-rāā seḿ, loo ń taā kem yāḿ i kə́ ngan̄g aĺ ní.

MARK 9:26

Ndíĺ ní əga kɔŕ ō, jəngan rik rik ō, ba teē kemən tə́ kɔ̄ɔ́, anī ngōn̄ ní to tītə̄ kə́ oy kɔ̄ɔ́ beē, adə̄ de kə́rēý gə̄ ngá̰ý ədan̄ na ni-oy kɔ̄ɔ́ tā.