MARK 9:24 - Bibəl ta Sar̄

²⁴ Kə̄ ta jī tə́ noō bɔbə̄ ngōn̄ əda na: m̄-taā kem, ba ī-rāā seḿ, loo ń taā kem yāḿ i kə́ ngan̄g aĺ ní.

Bible sar

²⁴ Kə̄ ta jī tə́ noō bɔbə̄ ngōn̄ əda na: m̄-taā kem, ba ī-rāā seḿ, loo ń taā kem yāḿ i kə́ ngan̄g aĺ ní.

MARK 9:24 Referans Kwoze

Najə̄ kə́ Majə yā Jeju ń Luk ndang ní 17:5

Ngámbang kəla gə̄ ədan̄ Kɔ́ɔ̄ɓē na: Ādə̄jí taā kem dɔ madə̄ tə́ ɓáý to̰!

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

PILIPƏ 1:29

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

PĀ GƏ̄ 126:5

Deē ń dubə̄ kōō i kə nōó kumən tə́ ní, a sāā kōō ní i kə rɔ̄nelēé.

2 KORḚNTƏ 2:4

Adə̄ tōr̄ rɔ̄ḿ ngá̰ý tā ba m̄-tə́gā i taḿ n m̄-ndangəń makətūbə̄ m-ādə̄sí kə man̄ nōó kumḿ tə́ ní. I yā rāāńsí kadə̄ kemsí nel̄sí aĺ alé, banī i yā kadə̄ sḭḭ̄ ī-gerīneé kadə̄ nelə̄m̄ sesí ngá̰ý.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

2 TIMOTE 1:4

Dan ń əga kemḿ dɔ man̄ kumií tə́ ní, ngur ka̰a̰í rāām̄ ngá̰ý. Ré m-á̰a̰ī anī, rɔ̄ḿ a nelə̄m̄ ngá̰ý.

Najə̄ kə́ Majə yā Jeju ń Luk ndang ní 7:44

Gō tə́ anī Jeju tūr̄ rɔ̄n kə̄ rɔ̄ dəyá̰ ní tə́, ba əda Simo̰ na: Á̰a̰ dəyá̰ ń toō a? M-údə́ kújú looí ní ī-ɓōkə́ man̄ sḛ́ý gidə njaḿ tə́ alé. Banī ni-tə́go njaḿ kə man̄ kumneé ō, ɔl̄ kə nənga dɔneé ō.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

PĀ GƏ̄ 39:12

Ḭ̄ ɔ́jə deē yá̰a̰ kə ndéy jīí tām̄ yá̰a̰ rāān kə́ gōtə́ aĺ tə́. Yá̰á̰ ń kemən gḛy ngá̰ý ní ī-nujəń kɔ̄ɔ́ tītə̄ yā kur̄ beé. Rɔ̄kum deē ndul i nél karī.

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

2 SAMUEL 16:12

Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.

HEBƏRO 12:17

Ī-gerī kadə̄ gō tə́ ɓáa, ni-gḛy kadə̄ bɔbə̄n tɔ́r̄ tan dɔn tə́ tām̄ ni i ngōn̄ hágən ní, mbātə́nən̄ kɔ̄ɔ́, adə̄ ká ní sāā tūr̄ kem ndigə yā bɔbə̄n kə man̄ noó kumən tə́ gə̄gē anī, ənge loon alé.

KƏLA RĀĀ 10:19

Piyer ndi a gír̄ kum yá̰á̰ ń ndɔ̄wn ní ɓáý anī, Ndíl ədan na: De gə̄ mətá ra a sāānī laā.

MARK 9:23

Jeju əda na: I najə̄ rí tə́ á ə́dam̄ na. Ré m-ásə rāā ní! De kə́ nge taā kem asə rāā yá̰a̰ malang.

MARK 9:25

Dan ń Jeju a̰a̰ kósə de gə̄ ń a reēn̄ kə ngɔ̄dɔ̄ɔ́ yā kán̄ naā ní anī, əda ndíĺ kə́ yḛr ngeé ń toō najə̄ kə ngangāá, əda na: Ḭ̄ ndíĺ kə́ nge rāā de gə̄ kadə̄ ɔrə̄n̄ najə̄ aĺ ō, oōn̄ najə̄ aĺ ō, m-ə́daī wáńg, ī-teē kemən tə́ kɔ̄ɔ́, ba údə gogə́ to̰ alé.