MARK 9:20 - Bibəl ta Sar̄

²⁰ Nin̄-reēn̄ seneé kə̄ rɔ̄n tə́ anī, kə̄ ta jī tə́ noō dan ń ngōn̄ a̰a̰ Jeju ní, ndíĺ jəngan rik rik, adə̄ teē əsō nang tə́, ba wángə̄lā ō, tan əɓa húūlú ō.

Bible sar

²⁰ Nin̄-reēn̄ seneé kə̄ rɔ̄n tə́ anī, kə̄ ta jī tə́ noō dan ń ngōn̄ a̰a̰ Jeju ní, ndíĺ jəngan rik rik, adə̄ teē əsō nang tə́, ba wángə̄lā ō, tan əɓa húūlú ō.

MARK 9:20 Referans Kwoze

MARK 1:26

Tā anī ndíĺ kə́ yḛr ní jənga deē ní rik rik ō, əga kɔŕ ngá̰ý ō, ba teē kemən tə́ kɔ̄ɔ́.

Najə̄ kə́ Majə yā Jeju ń Luk ndang ní 4:35

Jeju ndán̄g ndíĺ kə́ majaĺ ní ba ədan na kə utə̄ tan ō, kə teē kɔ̄ɔ́ kem deē ń noō tə́ ō. Anī ndíĺ kə́ majaĺ ní ənī deē ní nang tə́ ta kum de gə̄ tə́ malang ba teē kemən tə́ kɔ̄ɔ́ kanjə̄ rāā yá̰á̰ kógə̄ḿ kə́ majaĺ seneé.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

Najə̄ kə́ Majə yā Jeju ń Luk ndang ní 9:42

Ngōn̄ a reē kə̄ rɔ̄n tə́ ɓáý anī ndíĺ kə́ yḛr ní un ənīn nang tə́ tul ō, rāān adə̄ dā̰n ndām̄ ngangan ō. Banī Jeju ndán̄g ndíĺ kə́ yḛr ní ba rāā adə̄ ngōn̄ ní adə̄ rɔ̄n ngan̄g ō, tél adə̄n kə bɔbə̄neé gogə́ ō.

Najə̄ kə́ Majə yā Jeju ń Luk ndang ní 8:29

Ni-əda tītə̄ ń noō i tɔdɔ̄ Jeju əda ndíĺ kə́ yḛr ní na kə teē kɔ̄ɔ́ kem deē ní tə́. Ndíĺ kə́ yḛr ní rāā deē ní nja i ngá̰ý, adə̄ kété ní a do̰ō̰n̄ jīn i kə súlú ō, a ənīn̄ i kángə́lá njan tə́ ō n a ngɔ̄m̄nən̄neé ní. Banī ni-gán̄g súĺ ní kɔ̄ɔ́ ō, ndíĺ kə́ majaĺ ní a aw̄ seneé i kem dəla loo tə́ ō.

MARK 9:26

Ndíĺ ní əga kɔŕ ō, jəngan rik rik ō, ba teē kemən tə́ kɔ̄ɔ́, anī ngōn̄ ní to tītə̄ kə́ oy kɔ̄ɔ́ beē, adə̄ de kə́rēý gə̄ ngá̰ý ədan̄ na ni-oy kɔ̄ɔ́ tā.

MARK 9:18

ba dan ń ndíĺ ní əhɔn i kə̄ rá gə̄gē anī, ənīn tul nang tə́, ba tan əɓa húūlú mbuk mbuk ō, a ngor gɔgən mur mur ō, rɔ̄n tutə njárárá kɔ̄ɔ́ ō. m̄-dəje ngé ndóō yá̰a̰ yāí gə̄ kadə̄ kə tə̄ɓān̄ ndíĺ ní kɔ̄ɔ́, banī tɔ́gə́də́ asə alé.

MARK 9:19

Anī Jeju tél ədadə́ na nin̄ i gír kojə kə́ taā kem aĺ gə̄, ké i bátə́ ta kə́ rə́ngáý tə́ n kadə̄ n-ndiń sedə́ ō, kə n-tə́gań tan dɔdə́ tə́ ō ní wa. Əda na kə reēn̄ kə ngōn̄ ní rɔ̄n tə́ laā.

MARK 9:21

Jeju dəje bɔbə̄ ngōn̄ ní na ké yá̰á̰ ní əla gír seneé i rə́ngáý tə́ wa. Anī bɔbə̄ ngōn̄ ní tél ədan na: I kə ngōn̄ dūúneé.

Najə̄ kə́ Majə yā Jeju ń Luk ndang ní 9:39

Ni-ndi ɓáa ndíĺ kógə̄ḿ a ɔsə seneé, adə̄ ḭḭ rétə́ gēé ɓáa a tə́gā kɔŕ ō, ndíĺ ní rāān adə̄ dā̰n a ndām̄ ngangan ō, tan əɓa húūlú mbuk mbuk ō, kem ndíĺ ní ngəra loo teē tə́ kɔ̄ɔ́ kemən tə́ ō, ré əya̰n ɓáa ngōn̄ ní tél a to i ragəja kɔ̄ɔ́ ō.