MARK 9:13 - Bibəl ta Sar̄

¹³ Banī ādə̄ m-ə́dásí, Eli reē kɔ̄ɔ́ ɓá, ba de gə̄ rāānən̄ yá̰a̰ malang ń kemdə́ ndigə ní, tītə̄ ń ndangən̄neé dɔn tə́ ní.

Bible sar

¹³ Banī ādə̄ m-ə́dásí, Eli reē kɔ̄ɔ́ ɓá, ba de gə̄ rāānən̄ yá̰a̰ malang ń kemdə́ ndigə ní, tītə̄ ń ndangən̄neé dɔn tə́ ní.

MARK 9:13 Referans Kwoze

MATIYE 11:14

Ba ré ī-ndigiī ger̄ kum najə̄ ń toō anī, Eli ń kadə̄ a reē ní i Ja̰a̰.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

Najə̄ kə́ Majə yā Jeju ń Luk ndang ní 1:17

Ni a njə̄rā kété no Nə́ɓā tə́ kə Ndíl yā Nə́ɓā kə́ tɔ́gən i ngá̰ý ń Eli nge koō ta a rāań yá̰á̰ kété ní ō, a tūr̄ kem bɔbə̄ ngán gə̄ kə̄ rɔ̄ ngáńdə́ gə̄ tə́ ō, a rāā kadə̄ ngé mbātə́ najə̄ ta Nə́ɓā tə́ gə̄ gírə̄n̄ yá̰á̰ ń de kə́ súmūú gə̄ a gírə̄n̄ ní ō, yā kadə̄ ngán Israel gə̄ ngá̰ý əndān̄neé dɔ rɔ̄də́ danaá tām̄ yā Kɔ́ɔ̄ɓē tə́.

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

MARK 9:14

Dan ń nin̄-reē ugə̄n̄ rɔ̄ ngé ndóō yá̰a̰ yān gə̄ tə́ anī, a̰a̰n̄ kósə de gə̄ ngá̰ý gīrə̄n̄ gidədə́ ō, ngé ndóō de gə̄ ndū najə̄ gə̄ ran̄ a nējə̄n̄ najə̄ sedə́ ō.