MARK 9:12 - Bibəl ta Sar̄

¹² Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

Bible sar

¹² Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

MARK 9:12 Referans Kwoze

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

IJAI 52:14

Ngá̰ý gə̄ ń a̰a̰nən̄ ní, ndíĺdə́ a̰ȳ tām̄ ta kumən nujə ngá̰ý kɔ̄ɔ́ adə̄ deē asə ka̰a̰ gerə̄n to̰ alé. Ni to tītə̄ deē ndul to̰ alé.

Najə̄ kə́ Majə yā Jeju ń Luk ndang ní 23:11

Gō tə́ dan ń Herod naā tə́ kə áskar kə́ ngé ngɔ̄m̄ loo yān gə̄ ɔjən̄ Jeju kadə̄ ni i deē ta kumdə́ tə́ aĺ ō, lurənən̄ ō oy ní anī, Herod adə̄ əlan̄ kūbə̄ kógə̄ḿ kə́ ndə́lē pir pir rɔ̄ Jeju tə́, ba tél əla seneé rɔ̄ Pilatə tə́ gogə́.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

Najə̄ kə́ Majə yā Jeju ń Luk ndang ní 23:39

Nge rāā majaĺ kə́ kógə̄ḿ ń əndan̄də́ kə máyá̰ tū kāgə̄ kə́ dēsə́ tə́ ní əda najə̄ kə́ to ngonjə̄ na: Ḭ̄ i Kərist aĺ a? Ájə rɔ̄í īkɔ́, ba ájə́jí seí ō tā!

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

JAKARI 11:13

Kɔ́ɔ̄ɓē ədam̄ na: Gātə̄mə́ń nin̄ gāngə̄n̄ ní n noó! Āw̄ kə nar kə́ majə ngá̰ý ń noō ɓē kɔdə̄ kə́ nge nō̰ō̰ yá̰á̰! Adə̄ m-ɔ́ý sə́lē gində̄ arjā̰a̰ kə́ kutə mətá ní, m-āwń ɓē kɔdə́ nge nō̰ō̰ yá̰á̰, kem kújə́ kə́ bo yā Kɔ́ɔ̄ɓē tə́.

PĀ GƏ̄ 74:22

Nə́ɓā, ḭ́ḭ dɔɔ́! Ī-rɔ̄ɔ̄ dɔ rɔ̄í tə́! Ādə̄ əga kemií dɔ ndū ń sapə gə̄ ń noō a tájə̄nī ngándáńg tə́ ní.

MARK 9:13

Banī ādə̄ m-ə́dásí, Eli reē kɔ̄ɔ́ ɓá, ba de gə̄ rāānən̄ yá̰a̰ malang ń kemdə́ ndigə ní, tītə̄ ń ndangən̄neé dɔn tə́ ní.

MARK 9:31

tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.

MARK 10:33

Ōōī a, j-a j-awī i kə̄ Jerusalem, ba a əlan̄ Ngōn̄ Deē jī ngol gə̄ kə́ dɔ ngé tun̄ yá̰a̰ gə̄ tə́ tə́ ō, ngé ndóō de gə̄ ndū najə̄ gə̄ tə́ ō. Nin̄ a gāngə̄n̄ sarya dɔn tə́ kadə̄ a tɔ̄l̄nən̄, ba a əlanən̄ jī de gə̄ kə́ nin̄ i Jipə aĺ gə̄ tə́.

KƏLA RĀĀ 1:6

Nin̄-kánə̄n̄ naā rɔ̄n tə́ ba dəjenən̄ najə̄ ədan̄ na: Kɔ́ɔ̄ɓē, i ngɔlaā ń toō n ā ī-tél yā rāā Ɓē ko̰o̰ gogə́ rang yā kadə̄ Israel gə̄ ní a?

KƏLA RĀĀ 4:11

Jeju i deē ń ndangən̄ najə̄ ń toō dɔn tə́ kem makətūbūú ní, ndangən̄ na: Mbal̄ ń sḭḭ̄ ngé kəndā kújə gə̄ ī-mbātíī kɔ̄ɔ́ ní, tél mbal̄ kə́ majə kə́ ngəra kújə́ tə́.