MARK 9:1 - Bibəl ta Sar̄

¹ Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

Bible sar

¹ Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ *Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

MARK 9:1 Referans Kwoze

Najə̄ kə́ Majə yā Jeju ń Luk ndang ní 9:27

Ādə̄ m-ə́dásí, de kə́rēý gə̄ dan de gə̄ ń ran̄ laā tə́ toō a a̰a̰n̄ Ɓē ko̰o̰ yā Nə́ɓā pá tá a oyn̄ ɓáý.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

MARK 13:30

Ādə̄ m-ə́dásí najə̄ kə́ bo ngá̰ý, de kə́ ngɔlaā gə̄ ń toō a oyn̄ malang alé n yá̰a̰ gə̄ ń noō malang a rāān̄neé yá̰á̰ ní.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

Najə̄ kə́ Majə yā Jeju ń Luk ndang ní 22:18

tɔdɔ̄ ādə̄ m-ə́dásí, ngɔlaā ní gír gān̄g tā, m-ā m-ā̰ȳ kasə nduú to̰ aĺ bátə́ kadə̄ Ɓē ko̰o̰ yā Nə́ɓā reēń tá.

Najə̄ kə́ Majə yā Jeju ń Luk ndang ní 2:26

Ndíĺ kə́ Táĺ ədan na a a̰a̰ Kərist yā Kɔ́ɔ̄ɓē pá tá na a oy ɓáý.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 16:28

Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dan de gə̄ ń ran̄ laā tə́ ní, a a̰a̰n̄ Ngōn̄ Deē loo reē tə́ kə́ mban̄g tə́ pá tá kadə̄ a oyn̄ ɓáý.

JA̰A̰ 21:23

Əla gír i dɔ najə̄ ń noō tə́ n de gə̄ ədan̄ naā kə̄ kété dɔ dáń ngákó̰o̰ naā gə̄ tə́ na nge ndóō yá̰á̰ ń noō na a oy alé. Kə́ rɔ̄kum tə́ tā anī najə̄ ń Jeju əda Piyer ní n noó alé, ədan na a oy aĺ alé, ba na: Ré m̄-gḛy kadə̄ ni-ndi kə kumneé bátə́ kadə̄ m̄-tél m̄-reēń anī usiī i rí?