MARK 8:6 - Bibəl ta Sar̄

⁶ Anī Jeju əda kósə de gə̄ kadə̄ ndin̄ nang tə́, ba ni-taā mápá kə́ sīrí gə̄ ní ndadə̄ Nə́ɓā dɔ tə́, tétə̄ naā tə́, ba adə̄ ngé ndóō yá̰a̰ yān gə̄ kadə̄ nə̄ɓōn̄ de gə̄ ní.

Bible sar

⁶ Anī Jeju əda kósə de gə̄ kadə̄ ndin̄ nang tə́, ba ni-taā mápá kə́ sīrí gə̄ ní ndadə̄ Nə́ɓā dɔ tə́, tétə̄ naā tə́, ba adə̄ ngé ndóō yá̰a̰ yān gə̄ kadə̄ nə̄ɓōn̄ de gə̄ ní.

MARK 8:6 Referans Kwoze

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

Makətūbə̄ ń Pol ndang adə̄ Rom gə̄ ní 14:6

Nge ń gír̄ kadə̄ ndɔ̄ kə́rēý gə̄ i kə́ bo tɔȳ madə̄ gə̄ ní, rāā i tām̄ yā Kɔ́ɔ̄ɓē tə́ ō, nge ń ənī kemən əsań yá̰a̰ malang ní rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā. Ba nge ń mbātə́ kəsa yá̰a̰ malang ní, rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā ō.

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

JA̰A̰ 2:5

Anī kó̰o̰n tél əda ngé rāā kəla gə̄ na kə rāān̄ yá̰a̰ malang ń Jeju a ədadə́ ní.

Najə̄ kə́ Majə yā Jeju ń Luk ndang ní 24:30

Ba dan ń ni-ndi sedə́ ta yá̰a̰ kəsa tə́ anī, un mápa ndadə̄ Nə́ɓā dɔ tə́, gō tə́ ɓáa tetə naā tə́ ba adə̄də́.

Najə̄ kə́ Majə yā Jeju ń Luk ndang ní 12:37

Ngé kəla gə̄ ń toō yādə́ i rɔ̄nel̄ dan ń kɔ́ɔ̄də́ ugə̄ ba əngedə́ ndin̄ i kə kumdə́ njáý njáý ní. Ādə̄ m-ə́dásí najə̄ kə́ bo ngá̰ý, ni a do̰ō̰ ɓōdə̄n ō, a əndādə́ nang tə́ ta kəsa yá̰a̰ ō, a ɔr̄ tadə́ yā nə̄ɓōdə́ yá̰a̰ kəsa ō.

MATIYE 26:26

Dan ń a əsan̄ yá̰á̰ ní, Jeju un mápa, ndadə̄ Nə́ɓā dɔ tə́ oy anī, gān̄g naā tə́ adə̄ ngé ndóō yá̰a̰ yān gə̄, ba ədadə́ na: Ī-taāī yá̰á̰ ń toō ə́saī, na i rɔ̄ḿ.

1 SAMUEL 9:13

Ré údiī kə̄ kem ɓēé anī ā ə́ngeniī. Ā ə́ngeniī kété pá tá kadə̄ aw̄ kəsa yá̰á̰ loo kə́ kḭḭ kə̄ dɔɔ́ tə́ ɓáý. Ré ugə̄ aĺ anī deē a əsa yá̰a̰ alé. Tɔdɔ̄ i ni n a tɔ́r̄ tan dɔ yá̰á̰ kə́ tun̄ tə́ pá tá de gə̄ ń ɓārə́n̄də́ ta kəsa yá̰á̰ ní a əsan̄ ɓáý ní. Āwī na ā ə́ngeniī ngɔr ń toō tə́. Saul nin̄ kə Samuel əngen̄ naā.

MARK 8:5

Jeju dəjedə́ na ké mápa i kóndóńg jīdə́ tə́ wa. Nin̄-ədanən̄ na i sīrí.

MARK 8:7

Ngán kānjə̄ gə̄ sḛ́ý i jīdə́ tə́ ō. Ni ndadə̄ Nə́ɓā dɔ tə́, ba əda kadə̄ nə̄ɓōn̄ kósə de gə̄ ō.

MARK 8:20

Ba dan ń m̄-tétə̄ mápa kə́ sīrí gə̄ tām̄ yā de kə́ dūbú sɔ́ gə̄ tə́ ní, i kánī gotə rosə dōbə̄ i kóndóńg? Nin̄-ədan̄ na i sīrí.