MARK 8:38 - Bibəl ta Sar̄

³⁸ Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan kɔsə gɔn yā Bɔbə̄n tə́ naā tə́ kə de kə́ dɔ rā̰ tə́ kə́ táĺ gə̄ ní.

Bible sar

³⁸ Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan *kɔsə gɔn yā Bɔbə̄n tə́ naā tə́ kə *de kə́ dɔ rā̰ tə́ kə́ *táĺ gə̄ ní.

MARK 8:38 Referans Kwoze

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

1 JA̰A̰ 2:23

Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

Najə̄ kə́ Majə yā Jeju ń Luk ndang ní 9:26

Deē ń rɔ̄n sɔlə̄n tām̄ yāḿ tə́ ō, tām̄ yā najə̄ yāḿ gə̄ tə́ ō ní, dan ń Ngōn̄ Deē a tél yā reē kem kɔsə gɔn yān tə́ ō, yā Bɔbə̄ Ngōn̄ tə́ ō, yā de kə́ dɔ rā̰ tə́ kə́ táĺ gə̄ ō anī, rɔ̄n a sɔlə̄n tām̄ yā kɔ́ɔ̄ tə́ ō.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

HEBƏRO 11:26

Ni gír̄ kadə̄ yá̰á̰ kə́ to rɔ̄sɔl̄ gə̄ ń Kərist ənge ní, i yá̰a̰ kal̄ loo kə́ ngá̰ý tɔȳ dūbə̄ yá̰a̰ kənge gə̄ kə́ Ejiptə tə́. Tɔdɔ̄ kumən i dɔ yá̰a̰ kəndā nja kə́ ndɔ̄ń tə́.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

MATIYE 12:39

Jeju tél ədadə́ na: De kə́ ngɔlaā gə̄ ń i de kə́ majaĺ gə̄ ō, i ngé kəhɔ gō Nə́ɓā aĺ gə̄ ō ní, dəjen̄ yá̰á̰ kə́ to kɔr kum a? A ɔjə̄n̄də́ yá̰á̰ kə́ to kɔr kum kə́ rang alé, ba i yā Jonas nge koō ta ngóy.

JA̰A̰ 1:51

Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

Najə̄ kə́ Majə yā Jeju ń Luk ndang ní 19:26

Ni ədadə́ na: Ādə̄ m-ə́dásí, deē ń i kə yá̰á̰ ní, a adə̄nən̄ madə̄ dɔ tə́, ba deē ń i kə yá̰á̰ aĺ ní, a taān̄ ni kə́ ngá̰ý aĺ nəkɔ́ ń noō jīn tə́ kɔ̄ɔ́.

MATIYE 13:41

Ngōn̄ Deē a əla deē yān kə́ dɔ rā̰ tə́ gə̄ kadə̄ a ɔrə̄n̄ yá̰a̰ malang ń a rāā de gə̄ adə̄ a tə́sōn̄ kum majaĺ tə́ ní ō, a ɔrə̄n̄ ngé rāā majaĺ gə̄ kɔ̄ɔ́ kem Ɓē ko̰o̰ yān tə́ ō, yā

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 7:10

Hor kógə̄ḿ kə́ to tītə̄ bā beé a əɓa non tə́ ō, a nūgə́ non tə́ ō. De gə̄ dūbú nja dūbú ra a rāān̄ kəla yān. De gə̄ dūbú kutə nja dūbú kutə ran̄ non tə́. Sarya əla gír adə̄ teēn̄ makətūbə̄ gə̄.

NDŪ NAJƏ̄ 33:2

Kɔ́ɔ̄ɓē ḭḭ i mbal̄ kə́ Sinai tə́ n reē ní. Ni-əɓa tītə̄ mbang beé dām̄ kə́ Seir tə́. Ni-ra i mbal̄ kə́ Paran tə́ n unjə̄ń kow dɔ gír deē yān gə̄ tə́ ní. Ni-reē rɔ̄ ngéén gə̄ tə́ kə dūbə̄ ngé kəla kə́ dɔ rā̰ tə́ gēé gōn tə́. Ni-əhɔ ndū najə̄ yān ń unjə̄ tītə̄ hor ní jīn tə́.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

2 TIMOTE 1:16

Ādə̄ Kɔ́ɔ̄ɓē a̰a̰ kum tō ndoō yā de gə̄ kə́ kem kojə yā Onejipor tə́, tɔdɔ̄ ni-sɔl̄ kemḿ kə̄ nja naā tə́. Rɔ̄n sɔlə̄n najə̄ yā súĺ yāḿ gə̄ tə́ alé.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JA̰A̰ 12:34

Anī kósə de gə̄ tél ədanən̄ na: Jḭḭ j-oō tū ndū najə̄ tə́ na Kərist a ndi ngándáńg. Ba i ba̰ý á ə́da na i gáŕ kadə̄ a əlan̄ Ngōn̄ Deē dɔɔ́ ní? Ngōn̄ Deē nəkɔ́ i náā?

JA̰A̰ 5:27

Ba ni-adə̄n tɔ́gə kadə̄ gāngə̄ń sarya tām̄ ni i Ngōn̄ Deē.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

MARK 14:62

Jeju tél ədan na: Mā i ni, ba sḭḭ̄ ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, a reē kə kil̄ man̄ kə́ no rā̰ tə́ ō.

MATIYE 16:4

Gír de kə́ majaĺ gə̄ ō, kə́ ngé kəhɔ gō Nə́ɓā aĺ gə̄ ō, kə́ ngɔlaā gə̄ sāān̄ ka̰a̰ yá̰á̰ kə́ yáā, banī a rāān̄ yá̰á̰ kə́ yáā kə́ rang yā kadə̄də́ alé, i yā Jonas tá ngóy. Gō tə́ anī ni-əya̰də́, ba ɔtə aw̄.

JAKARI 14:5

Wól loo kə́ dan mbal̄ gə̄ tə́ ngeé ń toō, ā ī-teēī i tū tə́ n ā ā̰yīnń naā ní. Tɔdɔ̄ wól loo ní a to bátə́ ta kaw̄ kə̄ Asal. Ā ā̰yī naā i tītə̄ ń kaasí gə̄ a̰ȳnəń naā ɓāl̄ yā Ojias mban̄g kə́ Juda tə́, ndɔ̄ ń dɔ nang ndewń tə́ ní. Loo ń noō tə́ Kɔ́ɔ̄ɓē Nə́ɓā yāḿ a reē, naā tə́ kə de kə́ dɔ rā̰ tə́ gə̄ malang ń a rāān̄ kəla yān ní.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

MATIYE 16:28

Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dan de gə̄ ń ran̄ laā tə́ ní, a a̰a̰n̄ Ngōn̄ Deē loo reē tə́ kə́ mban̄g tə́ pá tá kadə̄ a oyn̄ ɓáý.

MARK 8:37

Ké i rí n ḭ̄ deē, ā ādə̄ yā mbéləń gír rɔ̄í ní wa.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

1 TESALONIK 2:19

Tɔdɔ̄ ndɔ̄ reē Kɔ́ɔ̄ɓē yājí Jeju tə́ ní, yá̰a̰ kəndā kem dɔ tə́ yājí, aláa rɔ̄nel̄ yājí, aláa jākā mbang yājí ní, i náā gə̄? I sḭḭ̄ aĺ a?

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.