MARK 8:36 - Bibəl ta Sar̄

³⁶ Ədadə́ na ké i rí bang n a teēī, ḭ̄ deē yá̰á̰ tə́, dan ń ə́ngé yá̰á̰ kə́ dɔ nang tə́ malang, ba ī-tḭ̄ḭ̄ ta rɔ̄í kɔ̄ɔ́ ní wa.

Bible sar

³⁶ Ədadə́ na ké i rí bang n a teēī, ḭ̄ deē yá̰á̰ tə́, dan ń ə́ngé yá̰á̰ kə́ dɔ nang tə́ malang, ba ī-tḭ̄ḭ̄ ta rɔ̄í kɔ̄ɔ́ ní wa.

MARK 8:36 Referans Kwoze

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

PĀ GƏ̄ 49:17

Ī-lōō kadə̄ tōrī najə̄ kənge kə́ deē ənge yá̰á̰ tə́, najə̄ yá̰a̰ kənge yān kə́ kem kújú kə́ a ojə madə̄ kə̄ kété kété tə́.

Najə̄ kə́ Majə yā Jeju ń Luk ndang ní 9:25

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́, aláa nujə rɔ̄n kɔ̄ɔ́ ní a teēn i rí?

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

MALASI 3:14

Ní, najə̄ ń ə́daī ní n toó: Rāā kəla kadə̄ Nə́ɓā, i yá̰á̰ kə́ kanjə̄ kumən. Yá̰a̰ gə̄ ń ni-əda kadə̄ yā rāā ní, jḭḭ jə-ngɔ̄m̄. Jḭḭ j-əndā yo ta kum Kɔ́ɔ̄ɓē kə́ bo kə́ tɔ́gən i ngá̰ý tə́, banī i yá̰á̰ kə́ kanjə̄ kumən!

Makətūbə̄ yā Job 2:4

Banī nge sekə́ de gə̄ tél əda Kɔ́ɔ̄ɓē na: Yá̰a̰ malang ń deē ənge ní, a adə̄ yā kajəń rɔ̄n.

Makətūbə̄ yā Job 22:2

Deē ndul asə rāā yá̰á̰ kógə̄ḿ kə́ majə tām̄ yā Nə́ɓā tə́ a? Ni asə rāā yá̰á̰ kógə̄ḿ kə́ majə tām̄ yā rɔ̄n nəkɔ́ tə́ i dan ń kumən edə̄ ní.

MARK 8:35

Tɔdɔ̄ deē ń a sāā kajə rɔ̄n ní, kɔ́ɔ̄ a tḭ̄ḭ̄ ta. Banī nge ń ndigə tḭ̄ḭ̄ ta rɔ̄n kɔ̄ɔ́ tām̄ yāḿ tə́ ō, tām̄ Najə̄ kə́ Majə ń toō tə́ ō ní, kɔ́ɔ̄ a ajən.

MARK 8:37

Ké i rí n ḭ̄ deē, ā ādə̄ yā mbéləń gír rɔ̄í ní wa.