MARK 8:35 - Bibəl ta Sar̄

³⁵ Tɔdɔ̄ deē ń a sāā kajə rɔ̄n ní, kɔ́ɔ̄ a tḭ̄ḭ̄ ta. Banī nge ń ndigə tḭ̄ḭ̄ ta rɔ̄n kɔ̄ɔ́ tām̄ yāḿ tə́ ō, tām̄ Najə̄ kə́ Majə ń toō tə́ ō ní, kɔ́ɔ̄ a ajən.

Bible sar

³⁵ Tɔdɔ̄ deē ń a sāā kajə rɔ̄n ní, kɔ́ɔ̄ a tḭ̄ḭ̄ ta. Banī nge ń ndigə tḭ̄ḭ̄ ta rɔ̄n kɔ̄ɔ́ tām̄ yāḿ tə́ ō, tām̄ Najə̄ kə́ Majə ń toō tə́ ō ní, kɔ́ɔ̄ a ajən.

MARK 8:35 Referans Kwoze

1 KORḚNTƏ 9:23

Ba m̄-rāā yá̰á̰ ń noō malang i tām̄ yā Najə̄ kə́ Majə tə́, yā kadə̄ m-ə́ngeń yá̰á̰ ń Najə̄ kə́ Majə a adə̄ de gə̄ ní ō.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

Najə̄ kə́ Majə yā Jeju ń Luk ndang ní 17:33

Deē ń o̰o̰n ta rɔ̄n ngá̰ý kadə̄ kə n-tḭ̄ḭ̄ ta aĺ ní a tḭ̄ḭ̄ ta rɔ̄n. Ba deē ń tḭ̄ḭ̄ ta rɔ̄n ní kɔ́ɔ̄ a ajə rɔ̄n.

MATIYE 16:25

Tɔdɔ̄ deē ń gḛy kajə rɔ̄n ní kɔ́ɔ̄ a tḭ̄ḭ̄ ta. Banī deē ń tḭ̄ḭ̄ ta rɔ̄n najə̄ yāḿ mā tə́ ní, a tél yā kənge rɔ̄n ní gogə́.

MATIYE 19:29

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

MATIYE 10:39

Deē ń o̰o̰n tɔdɔ̄ rɔ̄n ngá̰ý ní a tḭ̄ḭ̄ ta rɔ̄n. Ba deē ń tḭ̄ḭ̄ ta rɔ̄n tām̄ yāḿ tə́ ní a tél yā kənge rɔ̄n ní gogə́.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

KƏLA RĀĀ 9:16

Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

Najə̄ kə́ Majə yā Jeju ń Luk ndang ní 9:24

Tɔdɔ̄ deē ń a sāā kadə̄ n-udə kɔ̄ɔ́ aĺ ní kɔ́ɔ̄ a udə. Ba deē ń ndigə kudə kɔ̄ɔ́ tām̄ yāḿ mā tə́ ní, kɔ́ɔ̄ a ajə.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

HEBƏRO 11:35

I kə ta kūl̄ taā kem n dəyá̰ gə̄ tél əngen̄ de gə̄ yādə́ kə́ koy gə̄ kə́ ndólə̄n̄ ní. Rāān̄ de kə́ rang gə̄ yá̰á̰ kə́ tōr̄ ń adə̄ oyn̄. Nin̄-mbātə́n̄ kadə̄ gāngə̄n̄ dɔdə́, yā kadə̄ ré n-oyn̄ anī, n-ndólə̄n̄ dan de kə́ koy gə̄ tə́ ba n-ndin̄ kə kumdə́ ndin̄ kə́ majə tɔȳ kə́ kété.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

MARK 8:36

Ədadə́ na ké i rí bang n a teēī, ḭ̄ deē yá̰á̰ tə́, dan ń ə́ngé yá̰á̰ kə́ dɔ nang tə́ malang, ba ī-tḭ̄ḭ̄ ta rɔ̄í kɔ̄ɔ́ ní wa.

KOHELET 3:6

Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.