MARK 8:34 - Bibəl ta Sar̄

³⁴ Gō tə́ anī, ni-ɓāŕ kósə de gə̄ kə ngé ndóō yá̰a̰ yān gə̄, ba ədadə́ na: Ré deē kógə̄ḿ gḛy reē gōḿ tə́ anī, ādə̄ kɔ́ɔ̄ un kumən kɔ̄ɔ́ gíŕ yá̰á̰ kə́ to kɔsən kə̄ dɔɔ́ gə̄ tə́ ō, ādə̄ əla dɔn gír kāgə̄ kə́ dēsə́ yān tə́ ō, tá kə un gōḿ.

Bible sar

³⁴ Gō tə́ anī, ni-ɓāŕ kósə de gə̄ kə ngé ndóō yá̰a̰ yān gə̄, ba ədadə́ na: Ré deē kógə̄ḿ gḛy reē gōḿ tə́ anī, ādə̄ kɔ́ɔ̄ un kumən kɔ̄ɔ́ gíŕ yá̰á̰ kə́ to kɔsən kə̄ dɔɔ́ gə̄ tə́ ō, ādə̄ əla dɔn gír kāgə̄ kə́ dēsə́ yān tə́ ō, tá kə un gōḿ.

MARK 8:34 Referans Kwoze

MATIYE 10:38

Deē ń kɔ́ɔ̄ un kāgə̄ kə́ dēsə́ yān aĺ ō, un gōḿ aĺ ō ní, kɔ́ɔ̄ asə tél deē yāḿ alé.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

1 MBAN̄G GƏ̄ 14:8

m̄-taā ko̰o̰ ɓē jī de gə̄ kə́ gír kojə yā Dabid tə́ m-ādī. Banī ḭ̄ ī-to tītə̄ nge kəla yāḿ Dabid ń m-ə́dan yá̰a̰ anī rāā ō, ənī kemən mámák unəń gōḿ ō, yá̰á̰ ń i yá̰á̰ kə́ gōtə́ ta kumḿ tə́ tá ní a rāā ō ní alé.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

TƏ́DA 14:24

Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

Najə̄ kə́ Majə yā Jeju ń Luk ndang ní 9:23

Gō tə́ anī ni-əda de gə̄ malang na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ əya̰ róbə yān kɔ̄ɔ́ ō, ndi dɔ rɔ̄n tə́ kə ndɔ̄ gə̄ yā kətō kāgə̄ kə́ dēsə́ yān ō, ba un róbə́ ń mā m-úń ní.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

PILIPƏ 3:7

Tá yá̰á̰ kə́ majə gə̄ ń noō ń m̄-rāādə́ kété ní, ngɔlaā m̄-rāādə́ i yá̰á̰ kə́ m̄-tḭ̄ḭ̄ ta kɔ̄ɔ́ tə́ najə̄ yā Jeju Kərist tə́.

1 PIYER 4:1

Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

1 KORḚNTƏ 15:31

Ngákó̰ó̰ḿ gə̄, rɔ̄kum, mā i ta yo tə́ kə dɔ ndɔ̄ gə̄, tītə̄ ń sḭḭ̄ i yá̰a̰ kɔr ta rɔ̄ yāḿ kə gō ɓoo naā yājí kə Kɔ́ɔ̄ɓē yājí Jeju Kərist ní.

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Najə̄ kə́ Majə yā Jeju ń Luk ndang ní 14:33

Tītə̄ ń noō ō ní, náā nəkɔ́ dansí tə́ laā n, kɔ́ɔ̄ əya̰ gō yá̰a̰ kənge yān gə̄ malang kɔ̄ɔ́ aĺ ní anī, ni a asə tél nge ndóō yá̰a̰ yāḿ alé.

2 PIYER 1:14

Tɔdɔ̄ m̄-ger̄ kadə̄ m-ā m-ə́ya̰ rɔ̄ kə́ a oy ń toō kɔ̄ɔ́ ngɔr, tītə̄ ń Kɔ́ɔ̄ɓē yājí Jeju Kərist ɔjəm̄neé ní.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Najə̄ kə́ Majə yā Jeju ń Luk ndang ní 13:24

Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.

MATIYE 27:32

Dan ń teē a aw̄n̄ seneé kə̄ gidə ɓē tə́ ndágá anī, əngen̄ deē kógə̄ḿ kə́ Siren, rīn na i Simo̰. Əhɔnən̄ adə̄ ətō kāgə̄ kə́ dēsə́ yā Jeju.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

2 TESALONIK 3:11

Tɔdɔ̄ j-oō kadə̄ de kə́rēý gə̄ dɔ dáńsí tə́ i de kə́ yay gə̄. Nin̄-rāān̄ kəla alé, ba a əndān̄ i kūngə́də́ tū tə́ ngóy.

1 KORḚNTƏ 9:19

Mā i kɔ́ɔ̄ rɔ̄ḿ, adə̄ mā i ɓəlo yā deē kógə̄ḿ alé, banī m̄-tél ɓəlo yā de gə̄ malang yā kəngeń de gə̄ ngá̰ý.

1 KORḚNTƏ 8:13

I tām̄ najə̄ ń toō tə́ n ré yá̰a̰ kəsa i yá̰á̰ kə́ a rāā kadə̄ ngōkó̰ó̰ḿ əsō kum majaĺ tə́ anī, m-ā m-ə́sa dā̰ to̰ aĺ bátə́ kə̄ noḿ tə́ ní, na sōgə́ m̄-rāā adə̄ ngōkó̰ó̰ḿ əsō.

JA̰A̰ 19:17

Jeju nəkɔ́ ətō kāgə̄ kə́ dēsə́ yān, teēń kem ɓēé, ba aw̄ ugə̄ loo ń a ɓārə́n̄ na i kār̄ dɔ deē ní tə́. Rī loo ní kə ta Hebəro na i Golgota.

Najə̄ kə́ Majə yā Jeju ń Luk ndang ní 20:45

Dan ń ngán Israel gə̄ malang a oōn̄ najə̄ yā Jeju anī, ni-tél əda ngé ndóō yá̰a̰ yān gə̄ na:

MARK 10:21

Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

MARK 7:14

Tá Jeju ɓāŕ kósə de gə̄ kə̄ rɔ̄n tə́ to̰, ba ədadə́ na: Sḭḭ̄ malang, ōōī najə̄ yāḿ, ba ī-gerī kum: