MARK 8:31 - Bibəl ta Sar̄

³¹ Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

Bible sar

³¹ Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, *kum kɔɔ̄ gə̄, kə ngol gə̄ kə́ dɔ *ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

MARK 8:31 Referans Kwoze

KƏLA RĀĀ 7:35

Moijə kə́ kógə̄ḿ beē nəkɔ́ ń toō ń ngán Israel gə̄ mbātə́nən̄ kɔ̄ɔ́ ba ədanən̄ na: I náā n əndāī ngāraá dɔjí tə́ ō, nge gān̄g sarya dɔjí tə́ ō ní, Nə́ɓā əlan kadə̄ ni i ngār ō, nge gān̄g dɔdə́ ō, kə ta kūl̄ de kə́ dɔ rā̰ tə́ ń ndɔ̄bən kem túpə́ kámbə́ tə́ ní.

JA̰A̰ 2:19

Anī Jeju tél ədadə́ na: Ī-tɔ̄ɔ̄ī kújə yā Kɔ́ɔ̄ɓē ń toō kɔ̄ɔ́, ba á̰a̰ī ké ndɔ̄ mətá anī m-ún dɔɔ́ gogə́ aĺ wa?

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

Najə̄ kə́ Majə yā Jeju ń Luk ndang ní 17:25

Banī i gáŕ kadə̄ ni a a̰a̰ tápə̄ ngá̰ý ō, kadə̄ de kə́ ɓāl̄ ń toō tə́ gə̄ a mbātə́nən̄ ō pá tá.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

MATIYE 21:42

Ba Jeju tél ədadə́ na ké a̰a̰n̄ najə̄ ń toō kem makətūbə̄ aĺ wa: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní. Nge ń noō i kəla rāā Kɔ́ɔ̄ɓē, adə̄ i yá̰á̰ kə́ majə to ɓōĺ ngá̰ý ta kumjí tə́.

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

1 KORḚNTƏ 15:4

Dubə̄nən̄ ba Nə́ɓā ndólə̄n kə ndɔ̄ kə́ nge ko̰ mətá tītə̄ ń ndangən̄neé kété kem makətūbə̄ yā Nə́ɓā tə́ ní.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

PĀ GƏ̄ 118:22

Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

1 SAMUEL 8:7

Anī Kɔ́ɔ̄ɓē tél əda Samuel na: Ōō najə̄ yā ngán Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

MATIYE 27:63

Kɔ́ɔ̄ɓē gə̄, əga kemjí dɔ najə̄ kógə̄ḿ kə́ nge gól̄ de gə̄ ngeé ń toō əda tə́, dan ń ni-ndiń kə kumneé ɓáý tə́ ní. Ni-əda na: Ndɔ̄ mətá gō tə́ ɓáa n-a n-ndól̄.