MARK 8:23 - Bibəl ta Sar̄

²³ Ni-əhɔ jī nge kum tɔ̄ɔ̄ ní, ndɔ́rə̄n, aw̄ seneé gidə ɓē tə́. Ni-rāā hōr̄ tan kumən tə́ ō, əndā jīn dɔn tə́ ō, ba dəjen na ké a̰a̰ yá̰á̰ kə́rēý wa.

Bible sar

²³ Ni-əhɔ jī nge kum tɔ̄ɔ̄ ní, ndɔ́rə̄n, aw̄ seneé gidə ɓē tə́. Ni-rāā hōr̄ tan kumən tə́ ō, əndā jīn dɔn tə́ ō, ba dəjen na ké a̰a̰ yá̰á̰ kə́rēý wa.

MARK 8:23 Referans Kwoze

MARK 7:33

Ni-aw̄ seneé sa̰y kɔ̄ɔ́ rɔ̄ de gə̄ tə́, adə̄ nin̄ i kə kéŕdə́. Ni tə́la ta ngán jīn gə̄ mbīn tə́ ō, tībə̄ hōr̄ ta ngōn̄ jīn tə́ ɔdəń ta ndo̰n ō.

MARK 5:23

ba rāān ɓɔ́ ngá̰ý, ədan na: Ngōnə̄ḿ kə́ dəyá̰ a rāā yā kəhɔ tan kə̄ naā tə́, ba ī-reē, ə̄ndā jīí dɔn tə́ ādə̄ ajə ba ndi kə kumneé.

KƏLA RĀĀ 9:8

Sol ḭḭ dɔɔ́, ni-tḛḛ̄ kumən banī kumən a̰a̰ loo aĺ kɔ̄ɔ́. Əhɔn̄ i ta jīn n aw̄n̄neé seneé kem ɓē kə́ Damas tə́ ní.

IJAI 51:18

Dan ngán gə̄ malang ń ḭ̄ ójə́də́ tə́ ní, dan de gə̄ malang ń ḭ̄ ə̄tōdə́ tə́ ní, kógə̄ḿ kə́ əhɔ ta jīí ɔriīneé ta róbə gətóo.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

HEBƏRO 8:9

Madə̄ naā ní a to i tītə̄ madə̄ naā ń m-ə́hɔ kə kaadə́ gēé, ndɔ̄ ń m-ə́hɔń ta jīdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Kɔ́ɔ̄ɓē əda ɓáý to̰: Nin̄-ran̄ dɔ madə̄ naā yāḿ tə́ alé, adə̄ mā m-ə́yá̰də́ kɔ̄ɔ́.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

MARK 8:24

Ni teē kumən ba əda na: M-á̰a̰ de gə̄ ton̄ tītə̄ kāgə̄ gə̄, ba a njə̄rān̄ i mbée.

MARK 8:26

Anī Jeju əya̰n kadə̄ tél aw̄ ɓē yān tə́ ba ədan na kə lōō kaw̄ kem ɓēé.

KƏLA RĀĀ 23:19

Ngol áskar gə̄ kə́ bo ní əhɔ ta jī balsáá ní, aw̄ seneé kə kérneé ba dəjen na ké i yá̰á̰ rí n a sāā kədan ní wa.