MARK 8:22 - Bibəl ta Sar̄

²² Nin̄-ugə̄n̄ Betsaida anī, reēn̄ kə deē kógə̄ḿ kə́ kumən tɔ̄ɔ̄ kɔ̄ɔ́ rɔ̄ Jeju tə́, ba rāānən̄ ɓɔ́ kadə̄ ɔdən.

Bible sar

²² Nin̄-ugə̄n̄ Betsaida anī, reēn̄ kə deē kógə̄ḿ kə́ kumən tɔ̄ɔ̄ kɔ̄ɔ́ rɔ̄ Jeju tə́, ba rāānən̄ ɓɔ́ kadə̄ ɔdən.

MARK 8:22 Referans Kwoze

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

MARK 6:45

Kə̄ ta jī tə́ noō, Jeju ɔsə kə ngé ndóō yá̰a̰ yān gēé kadə̄ alə̄n̄ kem toó, ba aw̄n̄ kété non tə́ gidə kə́rēý tə́ Betsaida, ba nəkɔ́ tá kə n-ɔr̄ najə̄ kə kósə de gēé kadə̄ tḭ̄ḭ̄n̄ naā kə̄ ɓē gə̄ tə́.

Najə̄ kə́ Majə yā Jeju ń Luk ndang ní 10:13

M-ə́da na rɔ̄ ndoō i kə de kə́ Korajḛḛ gə̄ ō, rɔ̄ ndoō i kə de kə́ Betsaida gə̄ ō! Tɔdɔ̄ yá̰á̰ kə́ yáā gə̄ ń rāān̄ yá̰a̰ loodə́ ní, nə́ngētə́ rāān̄ yá̰a̰ i Tir ō Sidon ō anī, de kə́ kemeé gə̄ a o̰ō̰n̄ kūbə̄ kəhɔ ndoō ō, a ndin̄ kum bū hor tə́ ō i jóó ngá̰ý yā kɔjəń kadə̄ na n-gḛyn̄ tūr̄ háĺdə́.

JA̰A̰ 12:21

Nin̄-aw̄ əngen̄ Pilipə ń i de kə́ Betsaida gō nang kə́ Galile tə́ ní, rāānən̄ ɓɔ́ ba ədanən̄ na: Kɔ́ɔ̄ɓē, jə-gḛy ka̰a̰ Jeju.

JA̰A̰ 1:44

Pilipə i de kə́ Betsaida, ɓē yā Andəre nin̄ kə Piyer tə́.

MARK 2:3

De gə̄ reēn̄ kə deē kógə̄ḿ kə́ lígə̄rī kə́ de gə̄ sɔ́ ətōnən̄.

MATIYE 8:15

Ni ɔdə jīn ɓáa mo̰y gajə ní əya̰n. Dəyá̰ ní ḭḭ dɔɔ́ rāā yá̰a̰ kəsa adə̄n.

MATIYE 9:29

Tā anī Jeju ɔdə kumdə́, ba ədadə́ na: Ā ə́ngeī yá̰á̰ ní kə gō taā kem yāsí.

MATIYE 8:3

Jeju əla jīn ɔdənneé ba ədan na: m̄-ndigə, ādə̄ rɔ̄í i kə́ unjə̄ njáý njáý! Kə̄ ta jī tə́ beē bānjə̄ ur̄ rɔ̄n tə́ kɔ̄ɔ́.

Najə̄ kə́ Majə yā Jeju ń Luk ndang ní 9:10

Dan ń ngámbang kəla gə̄ tél reē ugə̄n̄ anī, ɔjən̄ Jeju gotə yá̰a̰ malang ń aw̄ rāān̄ ní. Ni ɔydə́ aw̄ sedə́ kə kéŕdə́ kadə ɓē kə́ a ɓārə́n̄ na i Betsaida tə́.

MATIYE 14:36

De gə̄ rāānən̄ ɓɔ́ kadə̄ kə əya̰də́ kadə̄ n-ɔdən̄ ta kūbə̄ yān ngóy. De gə̄ malang ń ɔdən̄ ní əngen̄ rɔ̄ ngáā.

MARK 3:10

Tɔdɔ̄ rāā adə̄ rɔ̄ de kə́ mo̰y gə̄ ngá̰ý ngáā, adə̄ ngé mo̰y gə̄ malang məren̄ naā dɔn tə́ kadə̄ n-ɔdən̄ rɔ̄n.