MARK 8:2 - Bibəl ta Sar̄

² Kumḿ o̰ō̰m̄ kə kósə de gə̄ ń toō tɔdɔ̄ nin̄-ndin̄ seḿ laā i ndɔ̄ mətá kɔ̄ɔ́, tá yá̰a̰ kəsa yādə́ gətóó ɓáý to̰.

Bible sar

² Kumḿ o̰ō̰m̄ kə kósə de gə̄ ń toō tɔdɔ̄ nin̄-ndin̄ seḿ laā i ndɔ̄ mətá kɔ̄ɔ́, tá yá̰a̰ kəsa yādə́ gətóó ɓáý to̰.

MARK 8:2 Referans Kwoze

MATIYE 9:36

Dan ń Jeju a̰a̰ kósə de gə̄ anī kumən o̰o̰n tām̄ yādə́ tə́, tɔdɔ̄ de gə̄ ní ɔrən̄ ō, tɔ́gə́də́ ur̄ wak kɔ̄ɔ́ ō, tītə̄ batə̄ gə̄ kə́ nge kul̄də́ gətóo beé.

MISE 7:19

Ā ī-tél kadə̄ kumií a o̰o̰ī tām̄ yājí tə́ ɓáý. Adə̄ ā ə̄ndā njaí dɔ mān̄ dɔ ndū najə̄ gə̄ yājí tə́ ō, yá̰a̰ rāājí kə́ gōtə́ aĺ gə̄ malang ní, ā ī-ɓōkə́də́ gír bā boó kɔ̄ɔ́ ō!

PĀ GƏ̄ 145:15

Kumdə́ i dɔí tə́ ō, nin̄ malang əndān̄ kemdə́ i dɔí tə́ ō, ngóōn̄ kadə̄ ādə̄də́ yá̰a̰ kəsa kə kum mbangneé.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

HEBƏRO 5:2

Ngé gə̄ ń gerə̄n̄ yá̰a̰ aĺ ō, ndúmə̄n̄ ō ní, ni a asə ger̄ kum sedə́, tām̄ tɔ́gə gətóo yān nəkɔ́ ngá̰ý ō.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

Najə̄ kə́ Majə yā Jeju ń Luk ndang ní 15:20

Anī ni-ḭḭ dɔɔ́, aw̄ ta kaw̄ gogə́ rɔ̄ bɔbə̄n tə́. Dan ń ni i sa̰y ɓáý á bɔbə̄n a̰a̰ dɔn, anī kumən o̰o̰n seneé. Bɔbə̄n a̰ȳ ngɔ̄də̄ ɔjə non, əhɔn kə̄ rɔ̄n tə́ ɓirə̄n dagə.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

MARK 9:22

Nja ngá̰ý ndíĺ ní a ənīn kum hor tə́ ō, kum man̄ tə́ ō, yā kudən kɔ̄ɔ́. Banī ré ḭ̄ ásə rāā yá̰á̰ kógə̄ḿ anī, á̰a̰ kum tō ndoō yājí tə́ ba ī-rāā sejí.

MARK 6:34

Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

MARK 5:19

Ba Jeju ɔdə alé, adə̄ ədan na: Ī-tél āw̄ ɓēé looí dan ngééí gə̄ tə́, ba ɔ́jə́də́ gotə yá̰a̰ malang ń Kɔ́ɔ̄ɓē rāā tām̄ yāí tə́ ní, kə gō ko̰o̰ ń o̰o̰n tɔdɔ̄í ní.

MARK 1:41

Jeju a̰a̰ kum tō ndoō yān, adə̄ əla jīn ɔdənneé, ba ədan na: m̄-ndigə kadə̄ rɔ̄í ūnjə̄ njáý njáý.

MATIYE 20:34

Kum Jeju o̰o̰n sedə́ adə̄ ni ɔdə kumdə́ kə jīneé. Anī kumdə́ a̰a̰ loo kə̄ ta jī gə̄ tə́ beē ō, nin̄-unən̄ gōn ō.

MATIYE 14:14

Dan ń Jeju teē kem toó kə̄ ndágá anī, a̰a̰ kósə de kə́ ngá̰ý gə̄ ran̄. Kumən o̰o̰n sedə́ adə̄ ni-rāā adə̄ rɔ̄ ngé mo̰y yādə́ gə̄ ngáā.

PĀ GƏ̄ 145:8

Kɔ́ɔ̄ɓē i nge kem ndaa ō kumən a o̰o̰n ō, i de kə́ a tə́gā tan ō, kemən majə ngá̰ý ō.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

MARK 6:32

Tā anī nin̄-alə̄n̄ kem toó yā kaw̄ tayā, dām̄ loo kə́ ɓē gətóo tū tə́ tə́.

MARK 8:3

Ré m-ə́yá̰də́ adə̄ aw̄n̄ kə̄ ɓē yādə́ gə̄ tə́ kanjə̄ kəsa yá̰a̰ anī, tɔ́gə́də́ a gətóó róbó, tɔdɔ̄ de kə́rēý gə̄ dandə́ tə́ ḭḭn̄ i sa̰y.

1 MBAN̄G GƏ̄ 19:6

Anī ni-a̰a̰ mápá kə́ laa ń a ɔbə̄n̄ i dɔ mbal̄ kə́ kənī horoó kadə̄ təngá tə́ ní to kadən tə́ ngɔr ō, jóo man̄ ō. Dan ń ni-əsa mápá ní oy ō, a̰ȳ man̄ ní oy ō anī, tél to nang tə́ gogə́.