MARK 7:9 - Bibəl ta Sar̄

⁹ Jeju ədadə́ ɓáý to̰ na: Ī-gírī kadə̄ ī-rāāī majə ngá̰ý loo ń ī-mbātíī gō míndə́ Nə́ɓā ba úniī gō yá̰a̰ kāgə̄ ɓē yāsí ní.

Bible sar

⁹ Jeju ədadə́ ɓáý to̰ na: Ī-gírī kadə̄ ī-rāāī majə ngá̰ý loo ń ī-mbātíī gō míndə́ Nə́ɓā ba úniī gō yá̰a̰ kāgə̄ ɓē yāsí ní.

MARK 7:9 Referans Kwoze

GALATƏ 2:21

Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

MARK 7:13

adə̄ tītə̄ ń toō beé ní, sḭḭ̄ ī-nujiī najə̄ yā Nə́ɓā kɔ̄ɔ́ kə gō yá̰a̰ kāgə̄ ɓē yāsí gə̄ ń ī-nə̄ɓōī naā ní, ba ī-rāāī yá̰á̰ kə́ rang gə̄ ngá̰ý kə́ tītə̄ ń noō ɓáý to̰.

MARK 7:3

Tɔdɔ̄ Parijiyḛ gə̄ kə Jipə gə̄ malang a əsan̄ yá̰a̰ kanjə̄ tə́go jīdə́ kadə̄ unjə̄ majə alé. Nin̄-əhɔn̄ i gō yá̰a̰ kāgə̄ ɓē yā kaadə́ gə̄.

PĀ GƏ̄ 119:126

Kum mbang kə́ kadə̄ Kɔ́ɔ̄ɓē rāań yá̰a̰ asə: Tɔdɔ̄ de gə̄ mānə̄n̄ dɔ ndū najə̄ yāí.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

MARK 7:5

Adə̄ Parijiyḛ gə̄ kə ngé ndóō de gə̄ ndū najə̄ gə̄ dəjen̄ Jeju na ké i tām̄ rí tə́ n ngé ndóō yá̰a̰ yān gə̄ unən̄ gō yá̰a̰ kāgə̄ ɓē yā kaadə́ gə̄ alé, ba əsan̄ yá̰a̰ i kə jīdə́ kə́ yḛr ní wa.

2 KORḚNTƏ 11:4

Tɔdɔ̄ ré deē kógə̄ḿ reē ɔjəsí najə̄ yā Jeju kə́ rang ba i yā nge ń j-ɔjəsí najə̄ yān kété ní alé, aláa ə́hɔī ndíĺ kə́ rang kə̄ rɔ̄sí tə́ ba i nge ń ə́ngein̄ kété ní alé, aláa ī-taāī kem Najə̄ kə́ Majə kə́ rang ba i nge ń ī-taāī kem kété ní aĺ anī, sḭḭ̄ ī-tə́gāī tasí dɔ tə́ majə ngá̰ý.

GALATƏ 1:14

Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.