Biblia Todo Logo
Bib sou entènèt

- Piblisite -




MARK 7:7 - Bibəl ta Sar̄

7 Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄-ndóōn̄ de gə̄ ní i yá̰a̰ gə̄ ń de gə̄ ran̄ kə de gēé ta rāā ní ngóy.

Gade chapit la Kopi

Bible sar

7 Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄-ndóōn̄ de gə̄ ní i yá̰a̰ gə̄ ń de gə̄ ran̄ kə de gēé ta rāā ní ngóy.

Gade chapit la Kopi




MARK 7:7
15 Referans Kwoze  

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.


Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄ a ndóōn̄ de gə̄ ní i ndū najə̄ yā de gə̄ ngóy.


Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.


Najə̄ gə̄ ń noō i najə̄ gə̄ kə́ deē rāań kəla anī, tadə́ a ɗogə́rō kɔ̄ɔ́ gə̄. I gō míndə gə̄ yā de gə̄ ō, i yá̰á̰ ndóō yā de gə̄ ō.


Dan ń ā ī-ndɔ̄yī anī, ī-lōōī kɔr̄ najə̄ kə́ kógə̄ḿ beē kə̄ naā tə́ kə̄ naā tə́, tītə̄ yā de gə̄ kə́ nin̄ i Jipə aĺ gə̄. Nin̄-ɔjən̄neé na ré n-ɔrə̄n̄ najə̄ ngá̰ý anī n-a n-əngen̄ yá̰á̰ ń na n dəjen̄ ní.


Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.


Najə̄ kə́ kem makətūbə̄ ń toō tə́ ń i najə̄ kə́ Nə́ɓā əndā ta nge koō ta tə́ ní, deē ń oō anī, mā Ja̰a̰ m̄-tāan tāā kə́ o̰o̰m̄ tɔdɔ̄ tə́ m-ə́da na: Ré deē kógə̄ḿ ənī yá̰á̰ kə́rēý dɔ najə̄ ń toō tə́ anī, yá̰á̰ kə́ tōr̄ gə̄ ń ndangən̄ kem makətūbə̄ ń toō tə́ ní, Nə́ɓā a rāā kadə̄ a reē dɔ kɔ́ɔ̄ tə́.


Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.


Ḭ̄ de kə́ kur̄ dɔí gətóo, ī-ndigə ger̄ kadə̄ taā kem kə́ kanjə̄ kəla rāān gə̄ i yá̰á̰ kə́ ndāńg karī a?


Ní, najə̄ ń ə́daī ní n toó: Rāā kəla kadə̄ Nə́ɓā, i yá̰á̰ kə́ kanjə̄ kumən. Yá̰a̰ gə̄ ń ni-əda kadə̄ yā rāā ní, jḭḭ jə-ngɔ̄m̄. Jḭḭ j-əndā yo ta kum Kɔ́ɔ̄ɓē kə́ bo kə́ tɔ́gən i ngá̰ý tə́, banī i yá̰á̰ kə́ kanjə̄ kumən!


Ba ré Kərist ndól̄ aĺ anī, najə̄ ń j-ɔjə ní i najə̄ kə́ kanjə̄ kumən ō, taā kem yāsí i taā kem kə́ kanjə̄ kumən ō.


I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.


Swiv nou:

Piblisite


Piblisite