MARK 7:4 - Bibəl ta Sar̄

⁴ Loo ń télən̄ súkūú anī, a tə́gon̄ rɔ̄də́ pá tá a əsan̄ yá̰á̰ ɓáý. Ba yá̰a̰ kāgə̄ ɓē kə́ rang gə̄ ń nin̄-unən̄ gō ní i ngá̰ý, tītə̄ tə́go kópə gə̄, kə jóo gə̄, kə səmbē gə̄, kə tə̄rá gə̄, kadə̄ unjə̄.

Bible sar

⁴ Loo ń télən̄ súkūú anī, a tə́gon̄ rɔ̄də́ pá tá a əsan̄ yá̰á̰ ɓáý. Ba yá̰a̰ kāgə̄ ɓē kə́ rang gə̄ ń nin̄-unən̄ gō ní i ngá̰ý, tītə̄ tə́go kópə gə̄, kə jóo gə̄, kə səmbē gə̄, kə tə̄rá gə̄, kadə̄ unjə̄.

MARK 7:4 Referans Kwoze

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

MATIYE 23:25

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-tə́goī gidə kópə ka̰ȳ yá̰a̰ ō, gidə səmbē kə́ laa ō, banī kemdə́ rosə kə yá̰a̰ gə̄ ń ə́ngeī loo ɓogə tə́ ní ō, kə yá̰a̰ gə̄ ń ə́ngeī sɔɔ̄ń ngur kə́ majaĺ gə̄ kə́ kemsí tə́ ní ō.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

JA̰A̰ 2:6

Tə́ndān̄ jóo bo ɓōkə́ man̄ tə́go rɔ̄ yā Jipə gə̄ mehḛ́ loo ngeé ń noō tə́. Kemdə́ kógə̄ḿ kógə̄ḿ ní asə man̄ kem jóo jōó aláa mətá ń noō.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

IJAI 1:16

Ī-tə́goī rɔ̄sí, ī-rāāī rɔ̄sí ādī unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

MATIYE 27:24

Dan ń Pilatə a̰ā̰ kadə̄ najə̄ yān teē yá̰a̰ alé, ba de gə̄ a ənīn̄ i wúȳ jīn tə́ anī, un man̄ tə́goń jīn ta kum kósə de gə̄ tə́, ba əda na: Mósə deē ń toō a əsō dɔḿ mā tə́ alé, i najə̄ yāsí sḭḭ̄ kɔ́ gə̄!

PĀ GƏ̄ 26:6

Kɔ́ɔ̄ɓē, m̄-tə́go jīḿ m-ɔ́jəń kadə̄ najə̄ gətóo dɔḿ tə́, yā kadə̄ m̄-njə̄rań kə gō gidə loo tun̄ yá̰a̰ yāí

JA̰A̰ 3:25

Anī ngé ndóō yá̰a̰ yā Ja̰a̰ gə̄ nējə̄n̄ naā najə̄ kə Jipə kógə̄ḿ dɔ najə̄ tə́go rɔ̄ kə́ majaĺ tákə̄ tə́,

JEREMI 35:5

m̄-tə́ndā jóo gə̄ kə́ kasə nduú rosə kem ō, kópə gə̄ ō no de kə́ gír kaa yā Rekab tə́ gə̄ ba m-ə́dádə́ na kə a̰ȳn̄ kasə.

MATIYE 23:26

Ḭ̄ Parijiyḛ kə́ nge kum tɔ̄ɔ̄ ń toō, ī-tə́go kem kópə ka̰ȳ yá̰á̰ ō, kem səmbē kə́ laa ō, kété pá tá gō tə́ anī ādə̄ gidədə́ unjə̄ njáý njáý ō.

MARK 7:8

Sḭḭ̄ ə́ya̰ī gō míndə́ Nə́ɓā kɔ̄ɔ́, ba úniī i gō kāgə̄ najə̄ yā de gə̄.