MARK 7:3 - Bibəl ta Sar̄

³ Tɔdɔ̄ Parijiyḛ gə̄ kə Jipə gə̄ malang a əsan̄ yá̰a̰ kanjə̄ tə́go jīdə́ kadə̄ unjə̄ majə alé. Nin̄-əhɔn̄ i gō yá̰a̰ kāgə̄ ɓē yā kaadə́ gə̄.

Bible sar

³ Tɔdɔ̄ *Parijiyḛ gə̄ kə *Jipə gə̄ malang a əsan̄ yá̰a̰ kanjə̄ tə́go jīdə́ kadə̄ unjə̄ majə alé. Nin̄-əhɔn̄ i gō yá̰a̰ kāgə̄ ɓē yā kaadə́ gə̄.

MARK 7:3 Referans Kwoze

GALATƏ 1:14

Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

MARK 7:13

adə̄ tītə̄ ń toō beé ní, sḭḭ̄ ī-nujiī najə̄ yā Nə́ɓā kɔ̄ɔ́ kə gō yá̰a̰ kāgə̄ ɓē yāsí gə̄ ń ī-nə̄ɓōī naā ní, ba ī-rāāī yá̰á̰ kə́ rang gə̄ ngá̰ý kə́ tītə̄ ń noō ɓáý to̰.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

MARK 7:5

Adə̄ Parijiyḛ gə̄ kə ngé ndóō de gə̄ ndū najə̄ gə̄ dəjen̄ Jeju na ké i tām̄ rí tə́ n ngé ndóō yá̰a̰ yān gə̄ unən̄ gō yá̰a̰ kāgə̄ ɓē yā kaadə́ gə̄ alé, ba əsan̄ yá̰a̰ i kə jīdə́ kə́ yḛr ní wa.

Najə̄ kə́ Majə yā Jeju ń Luk ndang ní 11:38

Dan ń Parijiyḛ ní a̰ā̰ kadə̄ Jeju tə́go jīn tá əsań yá̰a̰ aĺ anī, ɔr kumən seneé ngá̰ý.

JA̰A̰ 2:6

Tə́ndān̄ jóo bo ɓōkə́ man̄ tə́go rɔ̄ yā Jipə gə̄ mehḛ́ loo ngeé ń noō tə́. Kemdə́ kógə̄ḿ kógə̄ḿ ní asə man̄ kem jóo jōó aláa mətá ń noō.