MARK 7:26 - Bibəl ta Sar̄

²⁶ Dəyá̰ ní i Gərek, ba gír kaan i Penisi kə́ Siri. Ni-rāā Jeju ɓɔ́ kadə̄ tə̄ɓā ndíĺ kə́ majaĺ dɔ ngōnən tə́ kɔ̄ɔ́.

Bible sar

²⁶ Dəyá̰ ní i Gərek, ba gír kaan i Penisi kə́ Siri. Ni-rāā Jeju ɓɔ́ kadə̄ tə̄ɓā ndíĺ kə́ majaĺ dɔ ngōnən tə́ kɔ̄ɔ́.

MARK 7:26 Referans Kwoze

MATIYE 15:22

Anī dəyá̰ Kanaan kógə̄ḿ kə́ ndi dām̄ loo ngeé ń noō tə́ reē rɔ̄n tə́, nōō rɔ̄n, ni-əga kɔŕ ədań na: Kɔ́ɔ̄ɓē, ngōn̄ kaa Dabid, á̰a̰ kum tō ndoō yāḿ tə́! Ndíĺ kə́ majaĺ kógə̄ḿ rāā kum ngōnə̄ḿ kə́ dəyá̰ ndoō tə́, adə̄ a̰a̰ woy woy ngá̰ý!

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

MARK 7:25

Banī dəyá̰ kógə̄ḿ oō kōōn. Dəyá̰ ní aw̄ kə ngōnən kə́ dəyá̰ kógə̄ḿ kə́ ndíĺ kə́ yḛr gə̄ i kemən tə́. Dan ń ni-oō kōō Jeju anī, kə̄ ta jī tə́ noō reē əsō kə̄ njan tə́.

MARK 7:27

Jeju ədan na: Ādə̄ ngán gə̄ əsan̄ ndānə̄n̄ kété pá tá, tɔdɔ̄ kadə̄ deē taā yá̰a̰ kəsa yā ngán gə̄ ba tə́nī adə̄ ngáń bísə gə̄ i yá̰á̰ kə́ gō tə́ alé.