MARK 7:23 - Bibəl ta Sar̄

²³ Yá̰á̰ kə́ majaĺ gə̄ ń noō teēn̄ i ngarān̄g kem deē tə́, ba i nin̄ n a rāān̄ deē kadə̄ tél de kə́ yḛr ní.

Bible sar

²³ Yá̰á̰ kə́ majaĺ gə̄ ń noō teēn̄ i ngarān̄g kem deē tə́, ba i nin̄ n a rāān̄ deē kadə̄ tél de kə́ yḛr ní.

MARK 7:23 Referans Kwoze

MARK 7:15

Yá̰á̰ kógə̄ḿ kə́ ndágá kə́ aw̄ kem deē tə́, ba rāān adə̄ a tél de kə́ yḛr ní gətóo. Banī i yá̰a̰ gə̄ ń teēn̄ kem deē tə́ kə̄ ndágá ní n a rāān̄ deē kadə̄ tél de kə́ yḛr ní.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

1 KORḚNTƏ 3:17

Ré de kə́rēý nujə kújə yā Nə́ɓā anī, Nə́ɓā a nujə seneé kɔ̄ɔ́ ō. Tɔdɔ̄ kújə yā Nə́ɓā i kə́ táĺ, ba kújə́ ní i sḭḭ̄.

Makətūbə̄ ń Jud ndang ní 1:8

Adə̄ de gə̄ ngeé ń m-ɔ̄r̄ najə̄ yādə́ toō ní, rāān̄ yá̰a̰ i tītə̄ yādə́: Nin̄-rāān̄ majaĺ kə rɔ̄də́ nin̄ kɔ́ gɔ̄ɔ́ sɔɔ̄ń yá̰a̰ gə̄ ń nī rāādə́ dɔ tə́ ní ō, əya̰n̄ Nə́ɓā kɔ̄ɔ́ ō, tájə̄n̄ de kə́ to kɔsə gɔndə́ gə̄ kə́ dɔ rā̰ tə́ ō.

MARK 7:18

Anī ni-ədadə́ na: Sḭḭ̄ nəkɔ́ ń ī-ndiī toó, ī-gerī kum yá̰a̰ aĺ bátə́ a? Ī-gerī kadə̄ yá̰á̰ kə́ ndágá kə́ udə kem deē tə́ kadə̄ rāān adə̄ tél de kə́ yḛr gətóo aĺ a?

MARK 7:20

Ni-əda ɓáý to̰ na: I yá̰á̰ ń teē ngarān̄g kem deē tə́ ní n a rāān kadə̄ tél de kə́ yḛr ní.

MARK 7:22

rāȳ ō, kum ndaa yá̰a̰ ō, kem ndul ō, ngam ō, ngur rāā yá̰á̰ kə́ majaĺ gə̄ ō, ndə̄ngā yá̰a̰ ō, ngonjə̄ ō, kɔjə rɔ̄ ō, mbóo najə̄ gə̄ ō.

MARK 7:24

Jeju ḭḭ loo ń noō tə́ aw̄ gō nang kə́ Tir tə́ anī, udə kem kújə́ kógə̄ḿ tə́. Ni ndigə kadə̄ deē ger̄ gōn alé.