MARK 7:22 - Bibəl ta Sar̄

²² rāȳ ō, kum ndaa yá̰a̰ ō, kem ndul ō, ngam ō, ngur rāā yá̰á̰ kə́ majaĺ gə̄ ō, ndə̄ngā yá̰a̰ ō, ngonjə̄ ō, kɔjə rɔ̄ ō, mbóo najə̄ gə̄ ō.

Bible sar

²² rāȳ ō, kum ndaa yá̰a̰ ō, kem ndul ō, ngam ō, ngur rāā yá̰á̰ kə́ majaĺ gə̄ ō, ndə̄ngā yá̰a̰ ō, ngonjə̄ ō, kɔjə rɔ̄ ō, mbóo najə̄ gə̄ ō.

MARK 7:22 Referans Kwoze

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 PIYER 2:15

Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

MATIYE 6:23

Ba ré mo̰y kógə̄ḿ rāā kumií anī, rɔ̄í malang i kum til tə́. Adə̄ ré loo kə́ unjə̄ kow kə́ kemií tə́ i til anī, til ń noō i kə́ to kəda aĺ bátə́.

KOHELET 7:25

Adə̄ m-ə̄ndā rɔ̄ḿ ta ndóō yá̰á̰ tə́ ō, ta ndəle gíŕ yá̰á̰ tə́ ō. m̄-sāā ger̄ yá̰á̰ ń i kum kedə̄ ní ō, m̄-sāā ger̄ kum yá̰a̰ gə̄ ń a rāān̄ yá̰á̰ ní ō. M-á̰a̰ kadə̄ kem ndul i mbóo, i mbóó kə́ a rāā deē kɔ̄r̄ tə́.

Gōsə̄ najə̄ gə̄ 28:22

Nge ngɔ̄də̄ gō yá̰a̰ kənge i de kə́ kumən majə alé, ndoō kə́ ngá̰ý ń a rāā yā kəsō kum tə́ ní ni ger̄ alé.

Gōsə̄ najə̄ gə̄ 27:22

Ká ré ə̄nī mbóo bírí dan kōō gə̄ tə́ ba ī-sobən kə goyoó gə̄gē anī mbóo yān a ɔr̄ kemən tə́ alé.

Gōsə̄ najə̄ gə̄ 24:9

Gír̄ yā mbóo deē i kógə̄ḿ beē, i rāā majaĺ ngóy. De gə̄ gḛyn̄ de kə́ nge mbóo kə de gēé alé.

Gōsə̄ najə̄ gə̄ 23:6

Ī-lōō kəsa yá̰a̰ yā de kə́ nge ka̰a̰ loo kə kumən kə́ majaĺ ō, ī-lōō ndə̄ngā yá̰a̰ kəsa yān kə́ majə gə̄ ō.

Gōsə̄ najə̄ gə̄ 22:15

Mbóo i yá̰á̰ kə́ əhɔ kem ngán gə̄, banī ndéý kə́ kəndańdə́ a ɔr̄də́ dɔ háĺ ń noō tə́ kɔ̄ɔ́.

Gōsə̄ najə̄ gə̄ 12:23

De kə́ nge kəndā kum kedə̄ dɔ rɔ̄n tə́ mundə̄ dɔ yá̰a̰ ger̄ yān gə̄, banī kem de kə́ mbóo gə̄ ənī mbēr̄ dɔ mbóo yādə́ tə́.

PĀ GƏ̄ 10:4

Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

NDŪ NAJƏ̄ 28:56

Dan ń madə̄ ba̰ā̰í gə̄ a rɔ̄ɔ̄nī á nin̄ gīrə̄n̄ gidə ɓē yāí əlan̄ ta naā tə́ adə̄ ndoō kə́ ngá̰ý əsō dɔí tə́ kem ɓē yāí gə̄ tə́ ní, dəyá̰ kə́ mbo̰ō̰í tə́ ń tár rɔ̄n ngá̰ý ō, kumən o̰o̰n tɔdɔ̄ rɔ̄n ngá̰ý tɔȳ madə̄n gə̄ ō ní, a rāā tītə̄ ń noō ō. Ni ń tár rɔ̄n ngá̰ý adə̄ da njan gə̄gē ndigə kəndā nang tə́ aĺ ní, a a̰a̰ ngaan ō, ngōnən kə́ dəngam ō, kə́ dəyá̰ ō i kə kumən kə́ majaĺ, tām̄ ni a ndigə kadə̄də́ kɔw ń teē kemən tə́ ní aĺ ō, a ndigə kadə̄də́ ngán kemən gə̄ ń ni ojədə́ ní aĺ ō, a əsadə́ i loo mundə̄ tə́ jəke jəke.

NDŪ NAJƏ̄ 28:54

De kə́ dəngam kə́ mbo̰ō̰í tə́ kə́ o̰o̰n ta rɔ̄n ngá̰ý ō, əndā kumən gír rɔ̄n tə́ ngá̰ý tɔȳ madə̄n gə̄ ō, a a̰a̰ ngákó̰o̰n gə̄ ō, nə̄yá̰n ń ni tárən ngá̰ý ní ō, ngánən gə̄ ń a ngɔ̄m̄də́ ɓáý ní ō, i kə kumən kə́ majaĺ.

NDŪ NAJƏ̄ 15:9

Ī-lōōī gír̄ kemsí tə́ kəda na dɔ ɓāl̄ kə́ nge ko̰ sīrí ń i ɓāl̄ kəya̰ gō kə̄rā gə̄ kɔ̄ɔ́ ní i ngɔr ba rāań kem ngan̄g kə ngōkó̰ó̰sí kə́ nge ndoó ō, kɔgə̄nneé yá̰a̰ ō. Nge ń noō i gír̄ kə̄ majə alé. Ré ni sekə́sí rɔ̄ Kɔ́ɔ̄ɓē tə́ anī sarya a əhɔsí.

PĀ GƏ̄ 119:36

Ī-tūr̄ kemḿ kə̄ rɔ̄ yá̰a̰ gə̄ ń ə́dá tə́ ní, ba ī-lōō tūr̄ kemḿ kə̄ rɔ̄ yá̰a̰ kənge tə́.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

MARK 7:21

Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

MARK 7:23

Yá̰á̰ kə́ majaĺ gə̄ ń noō teēn̄ i ngarān̄g kem deē tə́, ba i nin̄ n a rāān̄ deē kadə̄ tél de kə́ yḛr ní.