MARK 7:21 - Bibəl ta Sar̄

²¹ Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

Bible sar

²¹ Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

MARK 7:21 Referans Kwoze

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

KƏLA RĀĀ 8:22

Ní, ī-tūr̄ hálí dɔ yá̰á̰ kə́ majaĺ ń ī-sāā rāā tə́ ní. Ba ī-ndɔ̄ȳ Kɔ́ɔ̄ɓē, yā kadə̄ ré majanī ni m ā̰ȳ rɔ̄n dɔ gír̄ kə́ kemií tə́ n toō.

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

MATIYE 9:4

Jeju ger̄ gír̄ kə kemdə́ tə́ adə̄ ni-ədadə́ na: Ī-gírī najə̄ kə́ majaĺ kə́ beē gə̄ kemsí tə́ i tām̄ rí tə́?

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JAKƏ 2:4

Ré ī-rāāī tītə̄ ń noō anī, sḭḭ̄ i ngé kɔr̄ kam̄ de gə̄ aĺ a? Ī-téliī i de kə́ ngé gān̄g sarya gə̄ kə́ gír̄ kə́ kemdə́ tə́ i kə́ majaĺ aĺ a?

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

PĀ GƏ̄ 53:3

Nə́ɓā ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰a̰ ké nge kə́rēý kumən edə̄ sḛ́ý, adə̄ a sāā Nə́ɓā wa.

PĀ GƏ̄ 14:3

Nin̄ malang əya̰n̄ róbə́ kə́ majə kɔ̄ɔ́. Nin̄ malang i de kə́ nujə kɔ̄ɔ́ gə̄. De kógə̄ḿ dandə́ tə́ kə́ rāā yá̰a̰ kə gōó beē gətóo.

Makətūbə̄ ń Pol ndang adə̄ Rom gə̄ ní 7:8

Dan ń gō míndə gə̄ reēn̄ ɓá ní, yá̰á̰ kə́ majaĺ tetə rɔ̄n gō tə́, ba əndā ngur yá̰á̰ kə́ majaĺ gə̄ malang kemḿ tə́. Tɔdɔ̄ ré ndū najə̄ gətóo anī, yá̰á̰ kə́ majaĺ rāā rɔ̄n i yá̰á̰ kə́ koy kɔ̄ɔ́ tə́.

KƏLA RĀĀ 5:4

Loo yāí ní ásə ngɔ̄m̄ kanjə̄ kigəń aĺ a? Aláa dan ń igəń oy ní, yá̰á̰ ń kemií gḛy rāā kə nar gírneé ní ásə rāań karī ō aĺ a? Ba ī-rāā i ba̰ý n ī-núməń yá̰á̰ kə́ beē kemií tə́ ní? I de gə̄ n ī-sor̄də́ ní alé, ba i Nə́ɓā.

Gōsə̄ najə̄ gə̄ 15:25

Kɔ́ɔ̄ɓē tɔ̄ɔ̄ kújə yā ngé kɔjə rɔ̄də́ gə̄, banī ni mbūsə̄ gír kāgə̄ kɔjə dɔ nin̄ loo yā dəyá̰ kə́ ngaa koy adə̄ ngan̄g.

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

PĀ GƏ̄ 53:1

Pā kə́ kem makətūbə̄ yā ngār yā gōsə̄ pā gə̄ tə́. Deē ā ə̄nīn i kə ndūí kə́ ɔjə kadə̄ rɔ̄í nelī alé. I pā yā Dabid kə́ yā ndóoń deē yá̰a̰.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

PĀ GƏ̄ 119:36

Ī-tūr̄ kemḿ kə̄ rɔ̄ yá̰a̰ gə̄ ń ə́dá tə́ ní, ba ī-lōō tūr̄ kemḿ kə̄ rɔ̄ yá̰a̰ kənge tə́.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

MARK 7:20

Ni-əda ɓáý to̰ na: I yá̰á̰ ń teē ngarān̄g kem deē tə́ ní n a rāān kadə̄ tél de kə́ yḛr ní.

MARK 7:22

rāȳ ō, kum ndaa yá̰a̰ ō, kem ndul ō, ngam ō, ngur rāā yá̰á̰ kə́ majaĺ gə̄ ō, ndə̄ngā yá̰a̰ ō, ngonjə̄ ō, kɔjə rɔ̄ ō, mbóo najə̄ gə̄ ō.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.