MARK 7:15 - Bibəl ta Sar̄

¹⁵ Yá̰á̰ kógə̄ḿ kə́ ndágá kə́ aw̄ kem deē tə́, ba rāān adə̄ a tél de kə́ yḛr ní gətóo. Banī i yá̰a̰ gə̄ ń teēn̄ kem deē tə́ kə̄ ndágá ní n a rāān̄ deē kadə̄ tél de kə́ yḛr ní.

Bible sar

¹⁵ Yá̰á̰ kógə̄ḿ kə́ ndágá kə́ aw̄ kem deē tə́, ba rāān adə̄ a tél de kə́ yḛr ní gətóo. Banī i yá̰a̰ gə̄ ń teēn̄ kem deē tə́ kə̄ ndágá ní n a rāān̄ deē kadə̄ tél de kə́ yḛr ní.

MARK 7:15 Referans Kwoze

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

1 KORḚNTƏ 10:25

Əsaī yá̰a̰ malang ń a igən̄neé loo gātə̄ dā̰ gə̄ tə́ ní, kanjə̄ dəje gír, na sōgə́ kemsí rāāsí.

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

MATIYE 15:16

Anī Jeju tél əda na: Adə̄ sḭḭ̄ kɔ́ gə̄ gə̄gē ī-gerī kum najə̄ ní aĺ ō a?

MARK 7:14

Tá Jeju ɓāŕ kósə de gə̄ kə̄ rɔ̄n tə́ to̰, ba ədadə́ na: Sḭḭ̄ malang, ōōī najə̄ yāḿ, ba ī-gerī kum:

MARK 7:16

Ré āwī kə mbīsí kə́ kadə̄ ōōiń najə̄ anī, ōōī majə.