MARK 6:41 - Bibəl ta Sar̄

⁴¹ Anī Jeju taā mápá kə́ mí gə̄ ní ō, kānjə̄ kə́ jōó gə̄ ní ō, ba ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́, pá tá tétə̄ mápa gə̄ ní naā tə́, ba adə̄ ngé ndóō yá̰a̰ yān gə̄ kadə̄ nə̄ɓōn̄ kósə de gə̄. Ni-gán̄g kānjə̄ kə́ jōó gə̄ ní naā tə́ ō, ba adə̄də́ kadə̄ nə̄ɓōn̄ de gə̄ malang.

Bible sar

⁴¹ Anī Jeju taā mápá kə́ mí gə̄ ní ō, kānjə̄ kə́ jōó gə̄ ní ō, ba ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́, pá tá tétə̄ mápa gə̄ ní naā tə́, ba adə̄ ngé ndóō yá̰a̰ yān gə̄ kadə̄ nə̄ɓōn̄ kósə de gə̄. Ni-gán̄g kānjə̄ kə́ jōó gə̄ ní naā tə́ ō, ba adə̄də́ kadə̄ nə̄ɓōn̄ de gə̄ malang.

MARK 6:41 Referans Kwoze

MATIYE 14:19

Ni-əda kadə̄ kósə de gə̄ ndin̄ nang tə́ dɔ mu kə́ mbōl̄ tə́, ba taā mápá kə́ mí gə̄ ní ō, kānjə̄ kə́ jōó gə̄ ní ō. Gō tə́ anī ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́ pá tá tétə̄ mápa ní naā tə́ adə̄ ngé ndóō yá̰a̰ yān gə̄ adə̄ taā nə̄ɓōn̄ kósə de gə̄ ɓáý.

MARK 7:34

Gō tə́ anī, ənī kumən kə̄ dɔɔ́ dɔ rā̰ tə́ ō, tetə koō pḭḭ ō, ba əda na: Epata, kumən na ī-teē taí.

Najə̄ kə́ Majə yā Jeju ń Luk ndang ní 24:30

Ba dan ń ni-ndi sedə́ ta yá̰a̰ kəsa tə́ anī, un mápa ndadə̄ Nə́ɓā dɔ tə́, gō tə́ ɓáa tetə naā tə́ ba adə̄də́.

Najə̄ kə́ Majə yā Jeju ń Luk ndang ní 9:16

Jeju taā mápá kə́ mí gə̄ ní ō, kānjə̄ kə́ jōó gə̄ ní ō, ba ənī kumən kə̄ dɔɔ́, tɔ́r̄ tan dɔ tə́ pá tá gān̄g naā tə́ adə̄ ngé ndóō yá̰a̰ yān gə̄ kadə̄ nə̄ɓōn̄ kósə de gə̄ ɓáý.

1 SAMUEL 9:13

Ré údiī kə̄ kem ɓēé anī ā ə́ngeniī. Ā ə́ngeniī kété pá tá kadə̄ aw̄ kəsa yá̰á̰ loo kə́ kḭḭ kə̄ dɔɔ́ tə́ ɓáý. Ré ugə̄ aĺ anī deē a əsa yá̰a̰ alé. Tɔdɔ̄ i ni n a tɔ́r̄ tan dɔ yá̰á̰ kə́ tun̄ tə́ pá tá de gə̄ ń ɓārə́n̄də́ ta kəsa yá̰á̰ ní a əsan̄ ɓáý ní. Āwī na ā ə́ngeniī ngɔr ń toō tə́. Saul nin̄ kə Samuel əngen̄ naā.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

JA̰A̰ 11:41

Loo ń noō tə́ unən̄ mbal̄ kɔ̄ɔ́. Anī Jeju ənī kumən kə̄ dɔɔ́, ba əda na: Bɔbə́ḿ, m̄-ndadə̄ m-ādī, tɔdɔ̄ ḭ̄ ōō ndūḿ.

MARK 14:22

Dan ń a əsan̄ yá̰á̰ anī Jeju un mápa, ndadə̄ Nə́ɓā dɔ tə́ ō, tétə̄ naā tə́ ō, ba adə̄də́, əda na: Ī-taāī, nge ń toō i rɔ̄ḿ.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

Makətūbə̄ ń Pol ndang adə̄ Rom gə̄ ní 14:6

Nge ń gír̄ kadə̄ ndɔ̄ kə́rēý gə̄ i kə́ bo tɔȳ madə̄ gə̄ ní, rāā i tām̄ yā Kɔ́ɔ̄ɓē tə́ ō, nge ń ənī kemən əsań yá̰a̰ malang ní rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā. Ba nge ń mbātə́ kəsa yá̰a̰ malang ní, rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā ō.

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

JA̰A̰ 6:11

Jeju taā mápá kə́ mí gə̄, ndadə̄ Nə́ɓā dɔ tə́, ba nə̄ɓō de gə̄ ń ndin̄ nang tə́ ní, ni-adə̄də́ kānjə̄ ō. Adə̄də́ ngá̰ý tītə̄ ń kemdə́ nin̄ kɔ́ gə̄ gḛy ní.

MATIYE 26:26

Dan ń a əsan̄ yá̰á̰ ní, Jeju un mápa, ndadə̄ Nə́ɓā dɔ tə́ oy anī, gān̄g naā tə́ adə̄ ngé ndóō yá̰a̰ yān gə̄, ba ədadə́ na: Ī-taāī yá̰á̰ ń toō ə́saī, na i rɔ̄ḿ.

MATIYE 15:36

Ni-taā mápa kə sīrí gə̄ ní ō, kānjə̄ gə̄ ní ō, ndadə̄ Nə́ɓā dɔ tə́ tá tétə̄ naā tə́ adə̄ ngé ndóō yá̰a̰ yān gə̄ adə̄ nə̄ɓōn̄ kósə de gə̄.

NDŪ NAJƏ̄ 8:10

Ā ə́saī yá̰a̰ tū tə́ kadə̄ ā ī-ndānī ō, ā ə́daī najə̄ kə́ majə dɔ Kɔ́ɔ̄ɓē Nə́ɓā yāsí ń adə̄sí dɔ nang kə́ majə ní tə́ ō.

KƏLA RĀĀ 27:35

Dan ń Pol əda najə̄ gə̄ ń noō oy anī un mápa, ndadə̄ Nə́ɓā dɔ tə́ ta kumdə́ tə́ malang, ba gō tə́ anī tetə naā tə́ ba əsa.

MARK 6:40

adə̄ ndin̄ nang tə́ kə gō ɓūtə̄ kə́ ɓú ɓú ō, kutə mí kutə mí ō.

MARK 6:42

Nin̄ malang əsan̄ ndānə̄n̄.

MARK 8:19

Dan ń m̄-tétə̄ mápá kə́ mí gə̄ tām̄ yā de kə́ dūbú mí gə̄ tə́ ní, ī-kánī gotə rosə dōbə̄ i kóndóńg? Nin̄-ədanən̄ na: I kutə gidə i jōó.