MARK 6:34 - Bibəl ta Sar̄

³⁴ Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

Bible sar

³⁴ Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

MARK 6:34 Referans Kwoze

MATIYE 9:36

Dan ń Jeju a̰a̰ kósə de gə̄ anī kumən o̰o̰n tām̄ yādə́ tə́, tɔdɔ̄ de gə̄ ní ɔrən̄ ō, tɔ́gə́də́ ur̄ wak kɔ̄ɔ́ ō, tītə̄ batə̄ gə̄ kə́ nge kul̄də́ gətóo beé.

TƏ́DA 27:17

kadə̄ ɔr nodə́ ta kaw̄də́ tə́ ō, ta téldə́ ō, ɓáa anī de gə̄ a ton̄ tītə̄ batə̄ gə̄ kə́ nge kul̄də́ gətóo alé.

Najə̄ kə́ Majə yā Jeju ń Luk ndang ní 9:11

Kósə de gə̄ gerə̄n̄ gōdə́ adə̄ aw̄n̄ gōdə́ tə́. Ni-əhɔdə́ kə̄ rɔ̄n tə́ majə. Ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō, rāā adə̄ rɔ̄ ngé mo̰y gə̄ ń gḛyn̄ i kadə̄ yā rāā sedə́ ní ngáā ō.

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

2 YÁ̰A̰ GƏ̄ 18:16

Loo ń noō tə́ Mise əda na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé. Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́.

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

MATIYE 14:14

Dan ń Jeju teē kem toó kə̄ ndágá anī, a̰a̰ kósə de kə́ ngá̰ý gə̄ ran̄. Kumən o̰o̰n sedə́ adə̄ ni-rāā adə̄ rɔ̄ ngé mo̰y yādə́ gə̄ ngáā.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

MATIYE 15:32

Jeju ɓāŕ ngé ndóō yá̰a̰ yān gə̄ ba ədadə́ na: Kumḿ o̰o̰m̄ ngá̰ý kə kósə de gə̄ ń toō, tām̄ ndin̄ rɔ̄ḿ tə́ i ndɔ̄ mətá kɔ̄ɔ́ ō, yá̰a̰ kəsa yādə́ gətóo ō, adə̄ m̄-gḛy kəya̰də́ kadə̄ aw̄n̄ ɓēé kanjə̄ kəsa yá̰a̰ alé, na sōgə́ tɔ́gə́də́ gətóó róbó.

IJAI 13:14

Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

EJEKIEL 34:5

Batə̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́, tɔdɔ̄ nge kul̄də́ gətóo. Adə̄ dā̰ kə́ bembeé gə̄ malang əhɔ əsan̄də́ kɔ̄ɔ́.

MARK 6:33

De gə̄ ngá̰ý a̰a̰n̄də́ loo kaw̄ tə́, banī gerə̄n̄ loo ń nin̄ a aw̄n̄ kə̄ tū tə́ ní kɔ̄ɔ́. Adə̄ nin̄-teēn̄ kə̄ kem ɓē gə̄ tə́, ba a̰ȳn̄ ngɔ̄də̄ kə njadə́ aw̄ ugə̄n̄ kété nodə́ tə́.

MARK 6:35

Loo ń mbang a udə ngɔr anī, ngé ndóō yān gə̄ ndɔ́tə̄n̄ kə̄ rɔ̄n tə́ ba ədanən̄ na: Loo ń toō i loo kə́ ɓē gətóo tū tə́ ō, mbang a udə i mbée ō ní,

MARK 8:1

Ndɔ̄ ngeé ń noō tə́ ní, kósə de gə̄ ngá̰ý kánə̄n̄ naā to̰, ba yá̰a̰ kəsa yādə́ gətóo. Anī Jeju ɓāŕ ngé ndóō yá̰a̰ yān gə̄, ba ədadə́ na:

MARK 8:2

Kumḿ o̰ō̰m̄ kə kósə de gə̄ ń toō tɔdɔ̄ nin̄-ndin̄ seḿ laā i ndɔ̄ mətá kɔ̄ɔ́, tá yá̰a̰ kəsa yādə́ gətóó ɓáý to̰.